ప్రొఫెసర్ జయశంకర్ ఆశయాలు నేటి తరం బాధ్యత: టాస్క్ జిల్లా కన్వీనర్ డాక్టర్ బాలు

ముఖ్య అతిథిగా డాక్టర్ బాలు ప్రసంగం

ఈ కార్యక్రమానికి ముఖ్య అతిథిగా విచ్చేసిన టాస్క్ జిల్లా కన్వీనర్ డాక్టర్ బాలు మాట్లాడుతూ, తెలంగాణ వాదాన్ని బలంగా వినిపించి గ్రామస్థాయిలో వ్యాపింపజేసిన గొప్ప వ్యక్తి ప్రొఫెసర్ జయశంకర్ సార్ అని, ఆయన నిజాయితీ, నిరాడంబర జీవితానికి ఆదర్శమని అన్నారు. తెలంగాణ సమస్యలపై విద్యార్థులు ప్రశ్నించడానికి సిద్ధంగా ఉండాలని, తెలంగాణ కోసం అమరులైన వారి త్యాగాలను ప్రతి ఒక్కరూ గుర్తుంచుకోవాలని సూచించారు. నీళ్లు, నిధులు, నియామకాలను సాధించుకోవడానికి అవసరమైతే ఉద్యమ బాట పట్టడానికి సిద్ధం కావాలని పిలుపునిచ్చారు.

వ్యాసరచన పోటీ విజేతలకు బహుమతులు

వ్యాసరచన కార్యక్రమంలో విజేతలకు ఇంటర్నేషనల్ వైశ్య ఫెడరేషన్ (ఐవిఎఫ్) జిల్లా కమిటీ ఆధ్వర్యంలో బహుమతులు అందజేశారు. ప్రథమ బహుమతిని సిరి చందన (విజన్ జూనియర్ కాలేజ్), ద్వితీయ బహుమతిని పర్హాన (సాందీపని డిగ్రీ కాలేజ్) అందుకున్నారు. జీవితకు తృతీయ బహుమతి లభించగా, దీర్ఘకు కన్సోలేషన్ బహుమతులు దక్కాయి.

కార్యక్రమంలో పాల్గొన్నవారు

ఈ కార్యక్రమంలో ఐవిఎఫ్ జిల్లా అధ్యక్షులు ఎర్రం చంద్రశేఖర్, ప్రధాన కార్యదర్శి దొంతి సుధాకర్, కోశాధికారి కస్వ వెంకన్న, విజన్ జూనియర్ కళాశాల ప్రిన్సిపాల్ నరేందర్ గౌడ్, సీనియర్ అధ్యాపకులు విజయ రామరాజు, టాస్క్ సభ్యులు కొంక దేవేందర్, కిషన్, బీమగౌడ్, ప్రశాంత్ లు పాల్గొన్నారు.