15 ఏళ్లుగా పరిహారం అందలేదు: పుంగనూరు సమ్మర్ స్టోరేజ్ ట్యాంక్ భూములిచ్చిన రైతుల ఆవేదన

ట్యాంక్ నిర్మాణంలో భాగంగా సర్వే నంబర్ 375/2లోని జి. చిన్న రెడ్డప్పరెడ్డి, జి. వెంకటరామిరెడ్డిలకు చెందిన ఒక ఎకరం ఐదు సెంట్ల వ్యవసాయ భూమిని వినియోగించినట్లు రైతులు తెలిపారు. భూములు ఇచ్చి 15 సంవత్సరాలు గడిచినా పరిహారం అందలేదని వారు పేర్కొన్నారు.

ప్రభుత్వాలు మారుతున్నా, అధికారుల చుట్టూ పలుమార్లు తిరిగినా తమ సమస్య పరిష్కారం కాలేదని రైతులు వాపోయారు. తమ సమస్యను ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్, మంత్రి నారా లోకేష్ దృష్టికి తీసుకెళ్లి న్యాయం చేయాలని వారు విజ్ఞప్తి చేశారు.