బీఎల్ఎస్ పాలిమర్స్ ఐపీఓ షేర్లు నేడు స్టాక్ మార్కెట్లలో లిస్ట్ అయ్యాయి. గ్రే మార్కెట్ ప్రీమియం (జీఎంపీ) అంచనాలను మించి, బీఎస్ఈలో 62.7 శాతం, ఎన్ఎస్ఈలో 65.3 శాతం ప్రీమియంతో ట్రేడింగ్ ప్రారంభమైంది. ఒక్కో షేరుకు రూ.150 ఇష్యూ ధర నిర్ణయించగా, బీఎస్ఈలో రూ.244, ఎన్ఎస్ఈలో రూ.248 వద్ద లిస్ట్ అయ్యాయి.
బీఎల్ఎస్ పాలిమర్స్ ఐపీఓలో షేర్లు కొనుగోలు చేసిన ఇన్వెస్టర్ల దృష్టి నేటి స్టాక్ మార్కెట్ లిస్టింగ్పై నెలకొంది. గ్రే మార్కెట్ ప్రీమియం (జీఎంపీ) సంకేతాల ప్రకారం, ఈ షేర్లు ఇష్యూ ధరతో పోలిస్తే సుమారు 45 శాతం ప్రీమియంతో స్టాక్ ఎక్స్ఛేంజీల్లో నమోదయ్యే అవకాశం ఉందని మార్కెట్ వర్గాలు అంచనా వేస్తున్నాయి. అయితే, గ్రే మార్కెట్ అంచనాలను మించి బీఎల్ఎస్ పాలిమర్స్ షేర్లు మార్కెట్లో బలమైన ఆరంభాన్ని నమోదు చేశాయి. ఒక్కో షేరుకు రూ.150 ఇష్యూ ధర నిర్ణయించగా, బీఎస్ఈలో రూ.244 వద్ద, ఎన్ఎస్ఈలో రూ.248 వద్ద షేర్లు లిస్టయ్యాయి. దీంతో ఇష్యూ ధరతో పోలిస్తే వరుసగా 62.7 శాతం, 65.3 శాతం ప్రీమియం లభించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రూ.255 కోట్ల విలువైన ఈ పబ్లిక్ ఇష్యూ ప్రారంభమై ముగిసింది. ఇన్వెస్టర్ల నుంచి విశేష స్పందన లభించింది. మొత్తం ఐపీఓ 241.22 రెట్లు సబ్స్క్రైబ్ అయింది. క్వాలిఫైడ్ ఇన్స్టిట్యూషనల్ ఇన్వెస్టర్లు: 200.25 రెట్లు, నాన్ ఇన్స్టిట్యూషనల్ ఇన్వెస్టర్లు: 559.20 రెట్లు, రిటైల్ ఇన్వెస్టర్లు: 128.36 రెట్లు. ఐపీఓలో ఒక్కో షేరు ధరల శ్రేణిని రూ.142 నుంచి రూ.150గా నిర్ణయించారు. కనీసం 100 షేర్లతో ఒక లాట్కు దరఖాస్తు చేసుకునే అవకాశం కల్పించారు. గరిష్ఠ ధర ప్రకారం కనీస పెట్టుబడి రూ.15,000. కంపెనీ ఐపీఓ ద్వారా వచ్చిన నిధుల్లో రూ.77.56 కోట్లను తయారీ కేంద్రం విస్తరణ, ఉత్పత్తి సామర్థ్యం పెంపునకు వినియోగించనుంది. మరో రూ.89.50 కోట్లను వర్కింగ్ క్యాపిటల్ అవసరాలకు కేటాయించింది. మిగిలిన మొత్తాన్ని సాధారణ కార్పొరేట్ అవసరాలకు ఉపయోగించనుంది.
