భూవివాదం దాడి కేసులో నలుగురికి మూడేళ్ల జైలు శిక్ష, రూ.1000 జరిమానా

భూవివాదం నేపథ్యంలో దాడికి పాల్పడిన నలుగురు నిందితులకు రాయచోటి అసిస్టెంట్ సెషన్స్ కోర్టు మూడేళ్ల జైలు శిక్షతో పాటు ఒక్కొక్కరికి రూ.1,000 జరిమానా విధించింది. లక్కిరెడ్డిపల్లి మండలం చింతకుంటపల్లిలో జరిగిన ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

లక్కిరెడ్డిపల్లి మండలం చింతకుంటపల్లికి చెందిన చంద్రశేఖర్ రెడ్డికి, అదే గ్రామానికి చెందిన కొందరితో సర్వే నంబర్ 1178 భూమి విషయంలో వివాదం నడుస్తోంది. న భూమిని జేసీబీతో చదును చేస్తుండగా నల్లతిమ్మారెడ్డిగారి చెన్నారెడ్డి, పద్మారాణి, చంద్రశేఖర్ రెడ్డి, నగేష్ కుమార్ రెడ్డి కర్రలతో దాడి చేయడంతో పలువురికి గాయాలయ్యాయి.

పోలీసుల దర్యాప్తు

బాధితుడి ఫిర్యాదుతో లక్కిరెడ్డిపల్లి పోలీసులు క్రైమ్ నంబర్ 10/2022 కింద హత్యాయత్నం సహా పలు సెక్షన్లలో కేసు నమోదు చేసి దర్యాప్తు చేశారు. సాక్ష్యాధారాలతో నేరం రుజువు కావడంతో కోర్టు నలుగురికీ శిక్ష విధించింది.

కేసు దర్యాప్తు, విచారణలో సమన్వయంతో పనిచేసిన పోలీసు, ప్రాసిక్యూషన్ అధికారులను అన్నమయ్య జిల్లా ఎస్పీ ధీరజ్ అభినందించారు.