రాజంపేటలో ఘనంగా వినాయక నిమజ్జనం: రూ.37 వేలకు లడ్డూను సొంతం చేసుకున్న టీడీపీ నేత

లడ్డూను దక్కించుకోగానే ఉత్సవ ప్రాంగణంలో భక్తులు, యువకులు పెద్ద ఎత్తున హర్షధ్వానాలు చేశారు. అనంతరం మేళతాళాలు, డప్పు వాయిద్యాల నడుమ మందా శ్రీనివాసులును ఊరేగిస్తూ నిర్వాహకులు లడ్డూను అందజేశారు.

చిన్నారులకు టీ-షర్టుల పంపిణీ

నిమజ్జన వేడుకల్లో భాగంగా మందా శ్రీనివాసులు చిన్నారులకు ఉచితంగా టీ-షర్టులను పంపిణీ చేశారు. దీంతో చిన్నారులు, వారి తల్లిదండ్రులు ఆనందం వ్యక్తం చేశారు.

ఈ సందర్భంగా మందా శ్రీనివాసులు మాట్లాడుతూ, విఘ్నేశ్వరుని ఆశీస్సులతో గ్రామ, వార్డు ప్రజలందరూ సుభిక్షంగా, ఆయురారోగ్యాలతో ఉండాలని, ప్రతి ఒక్కరి జీవితంలోని విఘ్నాలు తొలగిపోవాలని కోరుకున్నట్లు తెలిపారు.

భక్తి, ఉత్సాహం, ఆనందోత్సాహాల మధ్య జరిగిన ఈ నిమజ్జన కార్యక్రమంలో స్థానిక ప్రజలు, భక్తులు, యువకులు పెద్ద సంఖ్యలో పాల్గొన్నారు.