జర్నలిజంలో మార్పులను స్వీకరించాలి - ఎమ్మెల్యే మురళీ మోహన్

రెండో రోజు తరగతుల్లో సీనియర్ జర్నలిస్టులు పలు అంశాలపై ప్రసంగించారు. సీనియర్ జర్నలిస్టు ఎ. రాఘవ శర్మ మాట్లాడుతూ, తెలుగు పత్రికలు బతికినంత కాలం తెలుగు భాష బతికే ఉంటుందని, వార్తల్లో భాష సౌందర్యం కంటే సౌలభ్యం ప్రధానమని అన్నారు. మాండలిక పదాలను సందర్భోచితంగా వాడాలని సూచించారు.

క్రైమ్ రిపోర్టింగ్ పై సూచనలు

ఆంధ్రజ్యోతి చీఫ్ రిపోర్టర్ శ్రీశైలం రమేష్ క్రైమ్ రిపోర్టింగ్ పై మాట్లాడుతూ, వేగం కంటే ఖచ్చితత్వం ముఖ్యమని, ప్రతి చోట సోర్స్ ఏర్పాటు చేసుకోవాలని సూచించారు. సైబర్ నేరం జరిగిన అరగంటలో 1930 నంబర్ కు ఫోన్ చేస్తే డబ్బు రికవరీ అవుతుందని తెలిపారు.

ది హన్స్ ఇండియా స్పెషల్ కరస్పాండెంట్ నరేష్ నందం ఫ్యాక్ట్ చెక్ పై మాట్లాడుతూ, కర్ణాటక తీసుకొచ్చిన ఫేక్ న్యూస్ నిరోధక బిల్లు 2025 గురించి వివరించారు. తప్పుడు సమాచారాన్ని గుర్తించేందుకు గూగుల్ రివర్స్ ఇమేజ్ సెర్చ్, డిటెక్టర్ల వంటి టూల్స్ వాడాలని సూచించారు.

ఈ పునశ్చరణ తరగతులు గ్రామీణ విలేఖరులకు ఎంతో ఉపయోగకరంగా ఉన్నాయని, భవిష్యత్తులో మరిన్ని ఇలాంటి కార్యక్రమాలు నిర్వహించాలని పలువురు విలేఖరులు అకాడమీని కోరారు.