దక్షిణాది చిత్రసీమలో విషాదం నెలకొంది. ప్రముఖ తమిళ సంగీత దర్శకుడు, గాయకుడు దేవా (75) చెన్నైలోని ఓ ప్రైవేటు ఆసుపత్రిలో శనివారం తుదిశ్వాస విడిచారు. ఆయన మరణవార్తతో తమిళ సినీ పరిశ్రమలో విషాదం అలుముకుంది. సంగీత ప్రపంచానికి ఆయన చేసిన సేవలను గుర్తుచేసుకుంటూ సినీ ప్రముఖులు, అభిమానులు సంతాపం వ్యక్తం చేస్తున్నారు.
తమిళనాడు ముఖ్యమంత్రి విజయ్ కూడా దేవా మృతికి సంతాపం తెలిపారు. దేవా అసలు పేరు దేవనేసన్ చొక్కలింగం. తమిళ చిత్రసీమలో ఆయనను అభిమానులు ప్రేమగా తేనిసై తెంద్రల్ అని పిలిచేవారు. చెన్నై వీధుల్లో ప్రాచుర్యంలో ఉన్న గానా సంగీతాన్ని సినీ పాటల్లోకి తీసుకొచ్చి ప్రజాదరణ పొందేలా చేయడంలో ఆయన కీలక పాత్ర పోషించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సంగీత ప్రస్థానం
దాదాపు నాలుగు దశాబ్దాల సంగీత ప్రస్థానంలో తమిళం, తెలుగు, కన్నడ, మలయాళ భాషల్లో 400కు పైగా చిత్రాలకు సంగీతం అందించారు. వేగవంతమైన బాణీలతో ప్రేక్షకులను ఉర్రూతలూగించడమే కాకుండా, మధురమైన ప్రేమగీతాలతోనూ సంగీతాభిమానుల మనసుల్లో స్థానం సంపాదించుకున్నారు.
