తెలంగాణలో రేషన్ కార్డుదారులకు మరింత ప్రయోజనం కల్పించే దిశగా రాష్ట్ర ప్రభుత్వం కీలక ప్రతిపాదనను పరిశీలిస్తోంది. ప్రస్తుతం బియ్యంతో పాటు గోధుమ పిండి, కందిపప్పు, పామాయిల్, చక్కెర వంటి ఇతర నిత్యావసర సరుకులను కూడా రాయితీ ధరలకు అందించే అవకాశాలపై కసరత్తు చేస్తోంది. పెరుగుతున్న ధరలతో ఇబ్బందులు పడుతున్న పేద, మధ్యతరగతి కుటుంబాలకు ఉపశమనం కల్పించడమే దీని లక్ష్యం.
రాష్ట్ర సచివాలయంలో సోమవారం పౌరసరఫరాల శాఖ అధికారులతో నిర్వహించిన సమీక్షలో మంత్రి ఎన్. ఉత్తమ్ కుమార్ రెడ్డి ఈ ప్రతిపాదనపై చర్చించారు. రేషన్ దుకాణాల ద్వారా పంపిణీ చేయడానికి పరిశీలిస్తున్న సరుకుల్లో గోధుమ పిండి, కందిపప్పు, పామాయిల్, చక్కెర, చింతపండు, కారం పొడి ఉన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అధికారుల అంచనాలు
ఈ సరుకులను ఎంత పరిమాణంలో అందించాలి వాటిని ఎలా కొనుగోలు చేయాలి రాయితీ ధరలను ఎలా నిర్ణయించాలి ప్రభుత్వంపై ఎంత ఆర్థిక భారం పడుతుంది అనే అంశాలపై అధికారులు అంచనాలు రూపొందిస్తున్నారు. ఈ ప్రతిపాదనపై ఇంకా తుది నిర్ణయం తీసుకోలేదు. కాబట్టి కొత్త సరుకుల పంపిణీ ఎప్పటి నుంచి ప్రారంభమవుతుందనే విషయంపై స్పష్టత రావాల్సి ఉంది.
