భారత్, న్యూజిలాండ్ మధ్య కుదిరిన స్వేచ్ఛా వాణిజ్య ఒప్పందం రేపటి నుంచి అమల్లోకి రానుంది. ఈ ఒప్పందంతో న్యూజిలాండ్ మార్కెట్లో భారతీయ వస్తువుల ఎగుమతులకు 100 శాతం సుంకరహిత ప్రవేశం లభించనుంది. వస్త్రాలు, తోలు, ఆభరణాలు, ఇంజినీరింగ్, ఔషధ రంగాలకు ఇది ప్రయోజనం చేకూర్చనుంది.
కేంద్ర వాణిజ్య, పరిశ్రమల శాఖ మంత్రి పీయూష్ గోయల్ ఈ విషయాన్ని ప్రకటించారు. ఈ ఒప్పందం అమల్లోకి వచ్చిన తొలి రోజు నుంచే న్యూజిలాండ్కు భారత్ చేసే వస్తువుల ఎగుమతులన్నింటికీ వర్తించే సుంక రాయితీలు అందుబాటులోకి వస్తాయి. ఇప్పటివరకు న్యూజిలాండ్ విధిస్తున్న కొన్ని దిగుమతి సుంకాలు తొలగిపోవడంతో భారతీయ ఉత్పత్తులు అక్కడి మార్కెట్లో మరింత పోటీ ధరలకు అందుబాటులోకి వచ్చే అవకాశం ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భారత ఎగుమతులకు కొత్త అవకాశాలు
ముఖ్యంగా వస్త్రాలు, దుస్తులు, తోలు వస్తువులు, పాదరక్షలు, రత్నాలు, ఆభరణాలు, యంత్ర పరికరాలు, ఔషధాలు, వ్యవసాయ ఆధారిత ఆహార ఉత్పత్తుల తయారీదారులకు ప్రయోజనం కలగనుంది. చిన్న, మధ్య తరహా పరిశ్రమలు కూడా విదేశీ మార్కెట్లలో తమ వ్యాపారాన్ని విస్తరించుకునేందుకు ఈ ఒప్పందం ఉపయోగపడుతుందని కేంద్ర ప్రభుత్వం భావిస్తోంది.
