భారత ప్రధాని నరేంద్ర మోదీ నిన్న అమెరికా అధ్యక్షుడు డొనాల్డ్ ట్రంప్, శ్రీలంక అధ్యక్షుడు అనుర కుమార దిసనాయకేతో వేర్వేరుగా ఫోన్ ద్వారా సంభాషించారు. ఈ చర్చల్లో ప్రధానంగా పశ్చిమాసియాలో నెలకొన్న పరిస్థితులు, వాటి ప్రభావంపై సమీక్షించారు.
అమెరికా అధ్యక్షుడితో జరిగిన సంభాషణలో, పశ్చిమాసియాలో ఉద్రిక్తతలను తగ్గించి, శాంతిని పునరుద్ధరించడం, హార్ముజ్ జలసంధి భద్రత వంటి అంశాలపై ప్రధాని మోదీ భారతదేశ వైఖరిని స్పష్టం చేశారు. ఈ కీలక అంశాలపై నిరంతరం సంప్రదింపులు కొనసాగించాలని ఇరువురూ అంగీకరించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
శ్రీలంక అధ్యక్షుడితో జరిగిన చర్చల్లో, పశ్చిమాసియాలో మారుతున్న పరిస్థితులు, ప్రపంచ ఇంధన భద్రతపై వాటి ప్రభావంపై దృష్టి సారించారు. భారతదేశం-శ్రీలంక మధ్య ఇంధన సహకారం, ప్రాంతీయ భద్రత వంటి అంశాలపై కూడా సమీక్షించారు. ఉమ్మడి సవాళ్లను పరిష్కరించడంలో కలిసికట్టుగా పనిచేయడానికి ఇరు దేశాలు నిబద్ధతను పునరుద్ఘాటించాయి.
