పాకిస్థాన్ ఆక్రమిత కాశ్మీర్ (PoK)లో మంగళవారం (జూన్ 09) నుంచి ప్రారంభమైన బంద్, నిరసనల పిలుపుతో పరిస్థితి పూర్తిగా అదుపుతప్పిందని వార్తలు వస్తున్నాయి. రావల్కోట్, ముజఫరాబాద్, కోట్లి వంటి పలు ప్రాంతాల్లో వేలాది మంది స్థానిక ప్రజలు పాకిస్థాన్ ప్రభుత్వానికి, సైన్యానికి వ్యతిరేకంగా వీధుల్లోకి వచ్చి స్వాతంత్ర్యం కోసం నినాదాలు చేశారు.
మంగళవారం మధ్యాహ్నం నుంచి ప్రారంభమైన ఈ ఆందోళనలు PoKలోని అనేక వ్యూహాత్మక ప్రాంతాలకు విస్తరించాయి. స్థానికులు పెద్ద సంఖ్యలో రోడ్లపైకి వచ్చి, పాకిస్థాన్ పాలనపై తమ అసంతృప్తిని వ్యక్తం చేశారు. 'పాక్ చెర నుంచి విముక్తి కావాలి' అంటూ స్వాతంత్ర్యం కోసం నినదాలు చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రావల్కోట్, ముజఫరాబాద్, కోట్లి, భింబర్, దద్యాల్, పాలాండ్రి, సుధనోటి వంటి ప్రాంతాల్లో వేలాది మంది ఈ నిరసనల్లో పాల్గొన్నట్లు ప్రత్యక్ష సాక్షులు తెలిపారు. పాకిస్థాన్ ప్రభుత్వం, అక్కడి సైన్యం తమను అణచివేస్తున్నాయని, తమ హక్కులను కాలరాస్తున్నాయని ఆందోళనకారులు ఆరోపిస్తున్నారు.
