ఊపిరితిత్తుల క్యాన్సర్కు శస్త్రచికిత్స చేయించుకున్న ఐదు రోజుల తర్వాత వాటికన్ అధిపతి, కాథలిక్ క్రైస్తవుల ఆధ్యాత్మిక నాయకుడు పోప్ లియో తొలిసారి బహిరంగంగా కనిపించారు. ఆదివారం వాటికన్లోని అపోస్టోలిక్ ప్యాలెస్ కిటికీ నుంచి సెయింట్ పీటర్స్ స్క్వేర్లో ఉన్న భక్తులను ఉద్దేశించి మాట్లాడారు. తన ఆరోగ్యం కోసం ప్రార్థనలు చేసిన ప్రపంచవ్యాప్తంగా ఉన్న ప్రజలకు కృతజ్ఞతలు తెలిపారు.
వైద్యపరంగా క్లిష్టమైన దశను దాటినందున ఇకపై క్రమంగా తన విధులను తిరిగి చేపడతానని ప్రకటించారు. 71 ఏళ్ల పోప్కు న రోమ్లోని జెమెల్లీ ఆసుపత్రిలో శస్త్రచికిత్స జరిగింది. ఆయన కుడి ఊపిరితిత్తులోని దిగువ భాగాన్ని వైద్యులు తొలగించారు. పరీక్షల సందర్భంగా ఊపిరితిత్తుల అడెనోకార్సినోమా అనే క్యాన్సర్ నిర్ధారణ అయినట్లు వార్తా నివేదికలు వెల్లడించాయి. ఇది ఊపిరితిత్తుల క్యాన్సర్లో సాధారణంగా కనిపించే ఒక రకం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆరోగ్యం మెరుగుపడటంతో డిశ్చార్జ్
శస్త్రచికిత్స అనంతరం పోప్ ఆరోగ్యం మెరుగుపడటంతో న ఆసుపత్రి నుంచి డిశ్చార్జ్ అయ్యారు. వైద్య పరీక్షలు, రక్త పరీక్షలు, ఛాతీ ఎక్స్రే పరిశీలన అనంతరం ఆయన ఆసుపత్రి నుంచి వెళ్లేందుకు అనుమతించినట్లు వాటికన్ వర్గాలు తెలిపాయి.
