భారతదేశపు తొలి స్వదేశీ హైస్పీడ్ బుల్లెట్ రైలు తయారీ బెంగళూరులోని భారత్ ఎర్త్ మూవర్స్ లిమిటెడ్ () కేంద్రంలో జరుగుతోంది. ముంబైఅహ్మదాబాద్ హైస్పీడ్ రైల్ కారిడార్ కోసం ఈ రైలును రూపొందిస్తున్నారు. దేశీయ సాంకేతిక పరిజ్ఞానం, ఆధునిక ఇంజినీరింగ్ నైపుణ్యాలతో దీనిని అభివృద్ధి చేస్తున్నారు.
కేంద్ర రైల్వే మంత్రి అశ్విని వైష్ణవ్ ఆదివారం బెంగళూరులోని తయారీ కేంద్రాన్ని సందర్శించి, బుల్లెట్ రైలు తయారీ పురోగతిని పరిశీలించారు. రైలు ప్రధాన భాగాల తయారీ, వాటి అనుసంధానం, పరీక్షలు కొనసాగుతున్నాయని తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రైలు అత్యంత వేగంతో ప్రయాణించే సమయంలో గాలి పీడనంలో మార్పులు ఏర్పడతాయని, వాటిని తట్టుకునేలా రైలు నిర్మాణం ఉండాలని మంత్రి వివరించారు. ఇందులో భాగంగా 1,500 కిలోన్యూటన్ల లోడ్తో నిర్వహించే స్క్వీజ్ టెస్ట్ను కూడా ఆయన పరిశీలించారు.
