హిమాచల్ప్రదేశ్ ముఖ్యమంత్రి సుఖ్వీందర్ సింగ్ సుఖు ఆరోగ్య శాఖలో ఉద్యోగుల శారీరక దృఢత్వం, మానసిక ఆరోగ్యం, క్రీడా స్ఫూర్తిని ప్రోత్సహించే లక్ష్యంతో ఏర్పాటు చేసిన క్రీడా, సాంస్కృతిక క్లబ్ను ప్రారంభించారు. ఈ సందర్భంగా శనివారం న సిమ్లాలో వాక్థాన్కు ఆయన జెండా ఊపి శ్రీకారం చుట్టారు.
ప్రభుత్వ అధికారిక నివాసమైన ఓక్ ఓవర్ నుంచి ఇందిరా గాంధీ రాష్ట్ర క్రీడా సముదాయం వరకు ఈ వాక్థాన్ను నిర్వహించారు. ఆరోగ్య, కుటుంబ సంక్షేమ శాఖ అధికారులు, ఉద్యోగులు ఇందులో పాల్గొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉద్యోగుల ఆరోగ్యమే లక్ష్యం
ఆరోగ్య శాఖలో క్రీడా, సాంస్కృతిక క్లబ్ను ఏర్పాటు చేయడం వెనుక ప్రధాన ఉద్దేశం ఉద్యోగుల్లో ఆరోగ్యకరమైన జీవనశైలిని పెంపొందించడమేనని సీఎం సుఖు పేర్కొన్నారు. విధుల్లో ఉండే ఒత్తిడిని తగ్గించుకోవడంతో పాటు శారీరక వ్యాయామం, క్రీడలు, సాంస్కృతిక కార్యక్రమాలకు సమయం కేటాయించడం ద్వారా ఉద్యోగుల ఆరోగ్యం మెరుగుపడుతుందని తెలిపారు.
