పశ్చిమ బెంగాల్ రాజకీయాల్లో సీనియర్ నాయకుడిగా గుర్తింపు పొందిన మదన్ మిత్రా క్రియాశీల రాజకీయాల నుంచి తప్పుకునే ఆలోచనలో ఉన్నట్లు సంకేతాలిచ్చారు. రాజకీయాల్లో పెరుగుతున్న ద్వేషపూరిత వాతావరణం, ప్రజలు ఎదుర్కొంటున్న ఇబ్బందులు తనను కలచివేస్తున్నాయని ఆయన వ్యాఖ్యానించారు. రాజకీయాలంటేనే విరక్తి కలుగుతోందని, కొనసాగాలా వద్దా అనే విషయంపై ఆలోచిస్తున్నానని తెలిపారు.
అయితే, రాజకీయాల నుంచి తప్పుకుంటున్నట్లు ఆయన అధికారికంగా ప్రకటించలేదు. కమర్హాటి నియోజకవర్గానికి ప్రాతినిధ్యం వహిస్తున్న మదన్ మిత్రా ఒక బెంగాలీ టెలివిజన్ ఛానెల్తో మాట్లాడుతూ, ఈ ఏడాది దుర్గా పూజ సమయంలో ప్రజల్లో గతంలో ఎన్నడూ చూడని విషాదాన్ని గమనించానని చెప్పారు. ప్రజలు భయం, ఆందోళనల మధ్య జీవిస్తున్నారని పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రజలను కలవలేకపోతున్నానని ఆవేదన
తనను గెలిపించిన ఓటర్లను కూడా స్వేచ్ఛగా కలవలేకపోతున్నానని ఆయన ఆవేదన వ్యక్తం చేశారు. ప్రజలకు ఇబ్బందులు కలిగించే పనులు చేయడం తనకు ఇష్టం లేదని, ప్రస్తుత పరిస్థితుల్లో ఏం చేయాలో అర్థం కావడం లేదని తెలిపారు. రాజకీయాలకు దూరంగా ఉండటం కూడా తాను పరిశీలిస్తున్న మార్గాల్లో ఒకటని చెప్పారు.
