ఐక్యరాజ్యసమితి (ఐరాస)లో సంస్కరణలు చేపట్టాలని, అంతర్జాతీయ సమస్యల పరిష్కారంలో బహుళపక్ష సహకారాన్ని బలోపేతం చేయాలని, ఉగ్రవాదంపై సమగ్రంగా పోరాడాలని పిలుపునిస్తూ 12వ బ్రిక్స్ పార్లమెంటరీ ఫోరం న్యూఢిల్లీలో సంయుక్త ప్రకటనను ఆమోదించింది. , 27 తేదీల్లో జరిగిన ఈ సమావేశాల్లో బ్రిక్స్ దేశాల పార్లమెంటరీ ప్రతినిధులు అంతర్జాతీయ శాంతి, భద్రత, అభివృద్ధి, పరస్పర సహకారానికి సంబంధించిన అంశాలపై చర్చించారు.
ప్రపంచవ్యాప్తంగా ప్రాంతీయ ఘర్షణలు, యుద్ధాలు, ఆర్థిక అనిశ్చితి, వాణిజ్య ఉద్రిక్తతలు, ఉగ్రవాదం వంటి సవాళ్లు పెరుగుతున్న నేపథ్యంలో దేశాల మధ్య చర్చలు, దౌత్య సంబంధాలు మరింత బలోపేతం కావాల్సిన అవసరం ఉందని ఫోరం అభిప్రాయపడింది. అంతర్జాతీయ సమస్యలను పరిష్కరించడంలో పార్లమెంట్లు పరస్పర అవగాహనకు వారధులుగా పనిచేయాలని లోక్సభ స్పీకర్ ఓం బిర్లా పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఐరాసలో అభివృద్ధి చెందుతున్న దేశాలకు ప్రాతినిధ్యం పెరగాలి
ప్రస్తుత ప్రపంచ పరిస్థితులకు అనుగుణంగా ఐక్యరాజ్యసమితి వ్యవస్థలో సంస్కరణలు చేపట్టాలని బ్రిక్స్ దేశాలు కోరుతున్నాయి. ముఖ్యంగా ఐరాస భద్రతా మండలిలో అభివృద్ధి చెందుతున్న దేశాలకు మరింత ప్రాతినిధ్యం కల్పించాల్సిన అవసరాన్ని ప్రస్తావించాయి. ప్రపంచ నిర్ణయాల రూపకల్పనలో ఆసియా, ఆఫ్రికా, లాటిన్ అమెరికా దేశాల పాత్ర పెరగాలని, అంతర్జాతీయ సంస్థలు మరింత సమానత్వంతో పనిచేయాలని బ్రిక్స్ వేదికలో చర్చలు జరిగాయి.
