చింతామణి వద్ద ఘోర రోడ్డు ప్రమాదం: నవదంపతులు మృతి

కర్ణాటకలోని జిల్లా చింతామణి తాలూకా చిన్నసంద్ర సమీపంలో ఆదివారం రాత్రి ఘోర రోడ్డు ప్రమాదం జరిగింది. స్కూటర్పై వెళ్తున్న నవదంపతులను అతివేగంతో వచ్చిన కారు ఢీకొట్టడంతో ఇద్దరూ అక్కడికక్కడే మృతి చెందారు. ఈ ప్రమాదంలో కారులో ప్రయాణిస్తున్న మరో ఇద్దరికి తీవ్ర గాయాలయ్యాయి.

చింతామణికి చెందిన షణ్ముఖ్ (27), మిథులా (24) గా మృతులను పోలీసులు గుర్తించారు. వీరికి ఐదు నెలల క్రితమే వివాహమైంది. ఆదివారం రాత్రి బంధువుల ఇంటి నుంచి తిరిగి వస్తుండగా ఈ దుర్ఘటన జరిగినట్లు తెలుస్తోంది.

చిన్నసంద్ర సమీపంలో రహదారిపై స్కూటర్పై వెళ్తుండగా ఎదురుగా అతివేగంతో వచ్చిన కారు వారిని బలంగా ఢీకొట్టింది. ఢీకొన్న వేగానికి దంపతులు ఎగిరిపడి, తీవ్ర గాయాలతో అక్కడికక్కడే ప్రాణాలు కోల్పోయారు.