పిల్లల ఆయురారోగ్యాలు, దీర్ఘాయుష్షు, సుఖసంతోషాల కోసం తల్లులు ఆచరించే ముఖ్యమైన వ్రతాల్లో అహోయి అష్టమి ఒకటి. ఉత్తర భారతదేశంలో ఈ పండుగను భక్తిశ్రద్ధలతో జరుపుకుంటారు. ఈ ఏడాది 2026లో అహోయి అష్టమి వ్రతాన్ని నవంబర్ 1 ఆదివారం ఆచరించనున్నారు. కార్తీక మాసం కృష్ణ పక్ష అష్టమి తిథి సందర్భంగా అహోయి మాతను పూజించి ఉపవాసం ఉంటారు.
పంచాంగ వివరాల ప్రకారం కార్తీక మాస కృష్ణ పక్ష అష్టమి తిథి నవంబర్ 1న మధ్యాహ్నం 2.51 గంటలకు ప్రారంభమై నవంబర్ 2న మధ్యాహ్నం 1.10 గంటలకు ముగుస్తుంది. ఉదయం నుంచి ఉపవాసం ఉండి సాయంత్రం అహోయి మాతకు పూజలు నిర్వహిస్తారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అహోయి అష్టమి 2026 తేదీ, పూజా సమయం
వ్రతం ఆచరించే తేదీ: నవంబర్ 1, 2026 (ఆదివారం) అష్టమి తిథి ప్రారంభం: నవంబర్ 1న మధ్యాహ్నం 2.51 గంటలకు అష్టమి తిథి ముగింపు: నవంబర్ 2న మధ్యాహ్నం 1.10 గంటలకు పూజకు శుభ సమయం: సాయంత్రం 5.36 నుంచి 6.54 గంటల వరకు నక్షత్ర దర్శనం: సాయంత్రం 6 గంటల నుంచి చంద్రోదయం: రాత్రి 11.40 గంటలకు (నగరాన్ని బట్టి మారవచ్చు)
అహోయి అష్టమి వ్రతం ఎందుకు ఆచరిస్తారు
అహోయి అష్టమి రోజున తల్లులు తమ పిల్లల క్షేమం కోసం ఉపవాసం ఉంటారు. పిల్లలకు ఎలాంటి అనారోగ్య సమస్యలు, ఆటంకాలు కలగకుండా ఉండాలని అహోయి మాతను ప్రార్థిస్తారు. పిల్లలు దీర్ఘాయుష్షుతో, ఆరోగ్యంగా, సంతోషంగా జీవించాలని కోరుకుంటారు. సంతానం లేని దంపతులు కూడా సంతాన ప్రాప్తి కోసం ఈ వ్రతాన్ని ఆచరించే సంప్రదాయం కొన్ని ప్రాంతాల్లో ఉంది.