అమెరికా మధ్యంతర ఎన్నికల్లో రిపబ్లికన్ పార్టీ ఎదుర్కొన్న ఓటమి నేపథ్యంలో అధ్యక్షుడు డొనాల్డ్ ట్రంప్ తన ప్రభుత్వంలో కీలక మార్పులు చేశారు. వైట్హౌస్ చీఫ్ ఆఫ్ స్టాఫ్గా పనిచేస్తున్న సూసీ వైల్స్ స్థానంలో తన సన్నిహితుడు స్టీఫెన్ మిల్లర్ను నియమిస్తున్నట్లు ప్రకటించారు.
ప్రస్తుతం వైట్హౌస్ డిప్యూటీ చీఫ్ ఆఫ్ స్టాఫ్గా ఉన్న స్టీఫెన్ మిల్లర్, త్వరలో ఈ కొత్త బాధ్యతలను చేపట్టనున్నారు. ట్రంప్ 2016 అధ్యక్ష ఎన్నికల ప్రచారం నుంచే ఆయనకు సన్నిహితంగా ఉంటూ వస్తున్నారు. ముఖ్యంగా వలస విధానాలు, సరిహద్దు భద్రత, అక్రమ వలసదారుల బహిష్కరణ వంటి కీలక అంశాలలో మిల్లర్ తనదైన ముద్ర వేశారు. మరోవైపు, ప్రస్తుత వైట్హౌస్ చీఫ్ ఆఫ్ స్టాఫ్ సూసీ వైల్స్, ట్రంప్ రాజకీయ సంస్థలో కొత్త బాధ్యతలు చేపట్టనున్నట్లు సమాచారం. రిపబ్లికన్లు ప్రతినిధుల సభ, సెనేట్ రెండింటిపై తమ నియంత్రణను కోల్పోయిన నేపథ్యంలో ఈ పరిణామం చోటుచేసుకోవడం ప్రాధాన్యం సంతరించుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
