దేశ రాజధాని ఢిల్లీలో నేరగాళ్లపై పోలీసులు చేపట్టిన చర్యల్లో భాగంగా హషీమ్ బాబా గ్యాంగ్కు చెందిన కీలక సభ్యుడు ఒకరిని పోలీసులు అరెస్ట్ చేశారు. డాబ్రీ ప్రాంతంలో జరిగిన హత్య కేసుతో సంబంధం ఉన్నట్లు అనుమానిస్తున్న శివమ్ను అదుపులోకి తీసుకున్నారు. శుక్రవారం రాత్రి జిల్లా పరిధిలోని నజఫ్గఢ్గురుగ్రామ్ యూఈఆర్-2 రహదారి సమీపంలో పోలీసులకు, నిందితుడికి మధ్య ఎదురుకాల్పులు జరిగాయి.
ఈ ఘటనలో శివమ్ కాలికి బుల్లెట్ తగలడంతో గాయపడగా, పోలీసులు అతడిని అదుపులోకి తీసుకున్నారు. పోలీసుల కథనం ప్రకారం, శివమ్ ఒక పెద్ద నేరానికి పాల్పడేందుకు సిద్ధమవుతున్నాడనే సమాచారం అందింది. దీంతో జిల్లా ప్రత్యేక పోలీసు బృందం అతడిని పట్టుకునేందుకు నజఫ్గఢ్ ప్రాంతంలో నిఘా ఏర్పాటు చేసింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పోలీసులను గమనించిన శివమ్ కాల్పులు జరిపినట్లు అధికారులు తెలిపారు. దీంతో పోలీసులు ఎదురుకాల్పులు జరిపారు. ఇరువైపులా సుమారు ఏడు రౌండ్ల కాల్పులు జరిగినట్లు వెల్లడించారు. ఈ క్రమంలో శివమ్ కాలికి బుల్లెట్ తగలడంతో అతడిని అదుపులోకి తీసుకుని చికిత్స కోసం ఆసుపత్రికి తరలించారు. అతడి వద్ద నుంచి ఒక తుపాకీ, కొన్ని తూటాలను స్వాధీనం చేసుకున్నట్లు పోలీసులు వెల్లడించారు.
శివమ్పై ఇతర హత్య కేసుల్లోనూ ఆరోపణలు ఉన్నట్లు సమాచారం. హషీమ్ బాబా గ్యాంగ్తో అతడికున్న సంబంధాలు, ఇతర నేరాల్లో అతడి పాత్రపై పోలీసులు విచారణ చేపట్టారు. ఈ గ్యాంగ్కు చెందిన మరికొందరి వివరాలను సేకరించడంతో పాటు, నేర కార్యకలాపాల వెనుక ఉన్న నెట్వర్క్ను గుర్తించేందుకు ప్రయత్నిస్తున్నారు.