జనసేన పార్టీకి బొలిశెట్టి సత్యనారాయణకు సంబంధం లేదని పవన్ కళ్యాణ్ ప్రకటన

జనసేన పార్టీకి, సీనియర్ నాయకుడు బొలిశెట్టి సత్యనారాయణకు ఇకపై ఎలాంటి సంబంధం లేదని పార్టీ అధినేత పవన్ కళ్యాణ్ స్పష్టం చేశారు. ఈ మేరకు పార్టీ ఒక బహిరంగ ప్రకటన విడుదల చేసింది. బొలిశెట్టి సత్యనారాయణ చేపట్టే ఏ కార్యక్రమాలకు, ఆయన చేసే వ్యాఖ్యలకు జనసేన పార్టీ బాధ్యత వహించదని స్పష్టం చేశారు.

ఇటీవల విశాఖపట్నంలో పావురాల కొండ ప్రాంతంలో జరిగిన పర్యావరణ విధ్వంసంపై బొలిశెట్టి సత్యనారాయణ ప్రశ్నించడం, కొల్లేరు ప్రాంతంలో కాంట్రాక్టర్లకు మేలు చేసేలా ప్రభుత్వం వ్యవహరిస్తోందని విమర్శించడం వంటి పరిణామాల నేపథ్యంలో ఈ నిర్ణయం తీసుకున్నట్లు తెలుస్తోంది.

బొలిశెట్టి సత్యనారాయణ చేపట్టే కార్యక్రమాలకు పార్టీకి సంబంధం ఉండదని, ఆయన చేసే వ్యాఖ్యలకు పార్టీ బాధ్యత వహించదని జనసేన పార్టీ ఒక లేఖ ద్వారా స్పష్టం చేసింది. ఈ ప్రకటనతో బొలిశెట్టి సత్యనారాయణ పార్టీ కార్యకలాపాలకు దూరంగా ఉండనున్నారని భావిస్తున్నారు.