హైదరాబాద్లోని జూబ్లీహిల్స్లో ప్రముఖ నటుడు బాలకృష్ణ నివాసానికి సమీపంలో ఆదివారం ఘోర రోడ్డు ప్రమాదం జరిగింది. అతివేగంగా దూసుకువచ్చిన నాలుగు కార్లు అదుపుతప్పి పక్కనున్న రోడ్డులోకి దూసుకెళ్లి, పలు బైకులను ఢీకొన్నాయి. ఈ ప్రమాదంలో పలువురు గాయపడ్డారు.
అతివేగంగా వచ్చిన కార్లు అదుపుతప్పి రోడ్డు పక్కన ఉన్న వాహనాలను ఢీకొన్నాయి. ఈ ప్రమాదంలో గాయపడిన వారిని వెంటనే పోలీసులు ఆసుపత్రికి తరలించారు.
ప్రమాదంలో నాలుగు కార్లు నుజ్జునుజ్జు అయ్యాయి. సంఘటనా స్థలంలో భారీగా ట్రాఫిక్ జామ్ ఏర్పడింది. పోలీసులు ట్రాఫిక్ను క్రమబద్ధీకరించే ప్రయత్నం చేస్తున్నారు.
ప్రమాదానికి గల కారణాలపై పోలీసులు దర్యాప్తు చేస్తున్నారు. అతివేగం, అజాగ్రత్తే ప్రమాదానికి కారణమని ప్రాథమికంగా అంచనా వేస్తున్నారు. మరిన్ని వివరాలు సేకరిస్తున్నారు.