కర్ణాటక హసనాంబ ఆలయంలో వీఐపీ దర్శనంపై వివాదం డీకే శివకుమార్ వీడియోపై చెప్పుల దాడి

హాసన్లోని హసనాంబ ఆలయం ఏడాదిలో కొద్దిరోజులే భక్తుల దర్శనానికి తెరుచుకుంటుంది.

హాసన్లోని హసనాంబ ఆలయం ఏడాదిలో కొద్దిరోజులే భక్తుల దర్శనానికి తెరుచుకుంటుంది. దీంతో పెద్ద సంఖ్యలో భక్తులు ఆలయానికి చేరుకున్నారు. ఈ సమయంలో డీకే శివకుమార్ కుటుంబ సభ్యులతో కలిసి ప్రత్యేక దర్శనానికి రావడంతో సాధారణ భక్తుల దర్శనానికి అంతరాయం ఏర్పడినట్లు నివేదికలు తెలిపాయి.

గంటల తరబడి వేచి ఉన్న భక్తులు తమకు దర్శనం కల్పించకుండా నాయకులకు ప్రత్యేక ప్రాధాన్యత ఇవ్వడంపై ప్రశ్నించారు. స్క్రీన్పై డీకే శివకుమార్ పూజలు చేస్తున్న దృశ్యాలు కనిపించడంతో కొందరు ఆగ్రహంతో చెప్పులు విసిరారు.

వీఐపీ సంస్కృతిపై మరోసారి చర్చ

ప్రజాప్రతినిధులకు ప్రత్యేక దర్శనాలు కల్పించే సమయంలో సామాన్య భక్తులకు ఇబ్బందులు కలగకుండా చూడాలని పలువురు డిమాండ్ చేస్తున్నారు. ఆలయాల్లో వీఐపీ సంస్కృతికి వ్యతిరేకంగా ఈ ఘటన మరోసారి చర్చకు దారితీసింది.

ఈ ఘటనకు సంబంధించిన వీడియోలు సోషల్ మీడియాలో వైరల్ అయ్యాయి. భక్తుల ఆగ్రహం, చెప్పుల దాడి వంటి దృశ్యాలు వైరల్ అవుతున్నాయి.