మధ్యప్రదేశ్లోని దేవాస్ జిల్లాలో అక్రమ మద్యం రవాణాను అడ్డుకునే క్రమంలో పోలీస్ స్టేషన్ ఇన్ఛార్జ్ దిలీప్ పూరిని ట్రక్కుతో ఢీకొట్టి చంపిన కేసులో ప్రధాన నిందితుడిని పోలీసులు అరెస్ట్ చేశారు. అదుపులోకి తీసుకున్న అనంతరం నిందితుడు తప్పించుకునేందుకు ప్రయత్నిస్తూ పోలీసులపై కాల్పులు జరపడంతో ఎదురుకాల్పులు చోటుచేసుకున్నాయి.
పోలీసుల కథనం ప్రకారం, నిందితుడు గజేంద్ర అలియాస్ అక్కు రావత్ను అలీరాజ్పూర్ జిల్లాలో అదుపులోకి తీసుకున్నారు. దేవాస్కు తరలిస్తున్న సమయంలో బరోథా పోలీస్స్టేషన్ పరిధిలో పోలీసు సిబ్బంది నుంచి రివాల్వర్ను లాక్కొని కాల్పులు జరిపినట్లు అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పోలీసుల ప్రతిస్పందనలో భాగంగా జరిగిన కాల్పుల్లో అతడి కాలికి బుల్లెట్ గాయం కావడంతో ఆసుపత్రికి తరలించారు. ఈ కేసులో ట్రక్కులో ఉన్న మరో వ్యక్తి ధీరజ్ను కూడా అరెస్ట్ చేసినట్లు పోలీసులు వెల్లడించారు. అతడు కూడా పోలీసుల అదుపు నుంచి తప్పించుకునేందుకు ప్రయత్నించి కాల్పులు జరపడంతో గాయపడినట్లు అధికారులు తెలిపారు.
