రాష్ట్రంలో అధికారంలో ఉన్న కూటమి ప్రభుత్వంపై వైఎస్ఆర్ కాంగ్రెస్ పార్టీ నాయకురాలు, మాజీ మంత్రి ఆర్కే రోజా తీవ్రస్థాయిలో విమర్శలు గుప్పించారు. ఉగాది పండుగ, ప్రభుత్వ హామీల అమలు, టీటీడీ ఛైర్మన్ తీరు వంటి పలు అంశాలపై ఆమె ప్రభుత్వంపై నిప్పులు చెరిగారు.
తిరుపతిలో మీడియాతో మాట్లాడిన ఆర్కే రోజా, కూటమి ప్రభుత్వం ప్రజల ఆకాంక్షలకు అనుగుణంగా పనిచేయడం లేదని ఆరోపించారు. ఉగాది పండుగ సందర్భంగా ముఖ్యమంత్రి వైఎస్ జగన్మోహన్ రెడ్డి కుటుంబంతో కలిసి పండుగ జరుపుకున్నారని, అయితే కూటమి నాయకులు ప్రజలకు సరైన రీతిలో శుభాకాంక్షలు చెప్పలేదని ఆమె విమర్శించారు. "పండుగ పూట చంద్రబాబు భార్య హెరిటేజ్ లో పాలు పిసుకుతున్నారా?" అంటూ ఆమె చేసిన వ్యాఖ్యలు తీవ్ర దుమారం రేపాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
టీటీడీ ఛైర్మన్ బి.ఆర్. నాయుడుపై కూడా రోజా తీవ్రంగా స్పందించారు. ఆయన మహిళలతో తిరుగుతూ, తిరుమలలో ఉగాది వేడుకలు నిర్వహించకుండా ఎక్కడికి వెళ్లారని ప్రశ్నించారు. ఛైర్మన్ పదవికి ఆయన అర్హతపై కూడా ఆమె సందేహాలు వ్యక్తం చేశారు. ఈ వ్యాఖ్యలు టీటీడీ వర్గాల్లోనూ కలకలం సృష్టించాయి.
