విదేశీ పెట్టుబడిదారుల ఆందోళనలను పరిశీలిస్తాం: ఆర్థిక మంత్రి నిర్మలా సీతారామన్

భారత పెట్టుబడి వాతావరణంపై విదేశీ పోర్ట్ఫోలియో ఇన్వెస్టర్లు () వ్యక్తం చేస్తున్న ఆందోళనలను కేంద్ర ఆర్థిక మంత్రి నిర్మలా సీతారామన్ గుర్తించారు. పెట్టుబడిదారుల అభిప్రాయాలను ప్రభుత్వం పరిశీలిస్తుందని, దేశ ఆర్థిక వృద్ధికి పెట్టుబడులు అవసరమని ఆమె తెలిపారు.

భారత పెట్టుబడి వాతావరణంపై విదేశీ పోర్ట్ఫోలియో ఇన్వెస్టర్లు (), ఈక్విటీ మార్కెట్లోని ఇతర భాగస్వాములు వ్యక్తం చేస్తున్న ఆందోళనలను కేంద్ర ఆర్థిక మంత్రి నిర్మలా సీతారామన్ గుర్తించారు. పెట్టుబడిదారుల నుంచి వస్తున్న అభిప్రాయాలు, సూచనలను ప్రభుత్వం పరిశీలిస్తుందని ఆమె తెలిపారు. దేశ ఆర్థిక వృద్ధిని 7 శాతానికి పైగా కొనసాగించేందుకు పెట్టుబడులు, ముఖ్యంగా ఈక్విటీ పెట్టుబడులు అవసరమని పేర్కొన్నారు.

మారిన పరిస్థితులు.. పెరిగిన సవాళ్లు

ఫైనాన్షియల్ ఎక్స్ప్రెస్ లీడర్షిప్ అవార్డ్స్2026 కార్యక్రమంలో మాట్లాడిన సీతారామన్.. విదేశీ పెట్టుబడులను ఆకర్షించడంలో పన్నుల విధానం ఒక్కటే అంశం కాదని అన్నారు. 202324లోనూ ఇదే పన్నుల విధానం ఉన్నప్పటికీ అప్పట్లో భారీగా విదేశీ పెట్టుబడులు వచ్చాయని గుర్తుచేశారు. పెట్టుబడులను ఆకర్షించేందుకు ప్రత్యేకంగా ఎలాంటి మార్పులు చేయలేదు. అయితే ఇప్పుడు పరిస్థితులు పూర్తిగా భిన్నంగా ఉన్నాయి. పరిస్థితులు మారాయి, సవాళ్లు పెరిగాయి అని ఆమె పేర్కొన్నారు.

విదేశీ పెట్టుబడుల ఉపసంహరణపై ఆందోళన

విదేశీ సంస్థాగత పెట్టుబడిదారులు () భారత మార్కెట్ల నుంచి నికరంగా నిధులను ఉపసంహరించుకుంటున్నారని, అయితే ఇటీవల మళ్లీ పెట్టుబడుల ప్రవాహం కొంత మెరుగుపడుతోందని సీతారామన్ తెలిపారు. బాండ్ మార్కెట్ను విస్తరించేందుకు ప్రభుత్వం గత కొన్నేళ్లుగా చర్యలు తీసుకుందని, అదే తరహాలో ఈక్విటీ మార్కెట్లకు కూడా మరింత మద్దతు అవసరమనే అభిప్రాయాలు వస్తున్నాయని చెప్పారు. ఈ దశలో నేను మరింతగా మాట్లాడదలచుకోలేదు. కానీ పెట్టుబడిదారుల ఆందోళనలను గుర్తిస్తున్నాను అని ఆమె అన్నారు.