ప్రధాన ఎన్నికల కమిషనర్ () జ్ఞానేశ్ కుమార్ను అడ్డుపెట్టుకుని దేశవ్యాప్తంగా మరో 20 కోట్ల ఓట్లను తొలగించేందుకు కేంద్ర ప్రభుత్వం ప్రయత్నిస్తోందని తెలంగాణ ముఖ్యమంత్రి ఎ. రేవంత్ రెడ్డి ఆరోపించారు. ఇప్పటికే 13.5 కోట్ల ఓట్లు తొలగించారని, పేదలు, బలహీన వర్గాల ఓటర్లను లక్ష్యంగా చేసుకుంటున్నారని విమర్శించారు.
ఢిల్లీలోని రాంలీలా మైదాన్లో ఆదివారం నిర్వహించిన ఇండియా కూటమి ఓట్ బచావో దేశ్ బచావో ర్యాలీకి ముందు తెలంగాణ భవన్లో మాట్లాడిన రేవంత్ రెడ్డి, రాబోయే రోజుల్లో మరో 20 కోట్ల ఓట్లను తొలగించే కుట్ర జరుగుతోందని పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఓటు హక్కును కాపాడుకోవాలి
ప్రధాని నరేంద్ర మోదీ అధికారంలో కొనసాగేందుకు ఓట్ల తొలగింపు ద్వారా కుట్రలు జరుగుతున్నాయని రేవంత్ రెడ్డి ఆరోపించారు. ఓటు హక్కు రాజ్యాంగం కల్పించిన ప్రాథమిక హక్కు అని, దానిని హరించే ప్రయత్నాలను అంగీకరించబోమని స్పష్టం చేశారు.
రైళ్లు నిలిపివేసినా, ప్రయాణాలకు ఆటంకాలు కలిగినా తెలంగాణ నుంచి పెద్ద సంఖ్యలో కాంగ్రెస్ నాయకులు, కార్యకర్తలు ఢిల్లీకి చేరుకున్నారని తెలిపారు. ఓటు హక్కుల పరిరక్షణ కోసం రాంలీలా మైదాన్ వేదికగా పోరాటం కొనసాగిస్తామని పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
