40వ వార్డు కౌన్సిలర్‌పై అనర్హత వేటు: కలెక్టర్‌కు సుకుమార్ గౌడ్ ఫిర్యా…

వినతిపత్రంలో పేర్కొన్న వివరాల ప్రకారం, కౌన్సిలర్ సాహెబ్ నాగమణి ప్రమాణ స్వీకారం చేసిన రోజు నుంచి ఇప్పటి వరకు 40వ వార్డులో ఒక్కసారి కూడా పర్యటించలేదని, ప్రజా సమస్యలను పట్టించుకోలేదని ఆరోపించారు. అంతేకాకుండా మున్సిపాలిటీలో నిర్వహించిన అధికారిక సమావేశాలకు కూడా ఆమె హాజరుకాలేదని పేర్కొన్నారు.

మున్సిపల్ కమిషనర్ అందించిన హాజరు పట్టిక ప్రతులను దరఖాస్తుతో పాటు జతచేసినట్లు తెలిపారు. 2026 మార్చి 11న జరిగిన పరిచయ సమావేశం, మార్చి 28న బడ్జెట్ సమావేశం, ఏప్రిల్ 1న వార్డు సభల సమావేశం, ఏప్రిల్ 20న సాధారణ సమావేశం, మే 7న కో-ఆప్షన్ సమావేశం, జూన్ 5 మరియు జూన్ 11న జరిగిన సాధారణ సమావేశాలకు సాహెబ్ నాగమణి హాజరుకాలేదని ఫిర్యాదులో పేర్కొన్నారు.

ఈ నేపథ్యంలో తెలంగాణ మున్సిపల్ చట్టం–2019 నిబంధనల ప్రకారం విచారణ జరిపి, చట్టపరమైన చర్యలు తీసుకోవడంతో పాటు కౌన్సిలర్ సాహెబ్ నాగమణిపై అనర్హత వేటు విధించాలని జిల్లా కలెక్టర్‌ను బొంబోతుల సుకుమార్ గౌడ్ కోరారు. ఈ అంశంపై సంబంధిత అధికారులు చట్టపరమైన నిబంధనల ప్రకారం తదుపరి చర్యలు చేపట్టనున్నట్లు తెలుస్తోంది.