ప్రకాష్ నగర్ అభివృద్ధికి వైఎస్సార్ కాంగ్రెస్ పార్టీ కృషి మరువలేనిది: మాజీ డిప్యూటీ సీఎం అంజాద్ భాష

కడప అభివృద్ధి కంటే ఫ్లెక్సీలకే ప్రాధాన్యత

కడప నగర అభివృద్ధికి అవసరమైన నిధులు తీసుకురావడం, ప్రజలకు మెరుగైన మౌలిక సదుపాయాలు కల్పించడంపై దృష్టి పెట్టాల్సిన ఎమ్మెల్యే, నగరంలో 500 ఫ్లెక్సీలు ఏర్పాటు చేయడానికే ప్రాధాన్యత ఇస్తున్నారని మాజీ డిప్యూటీ సీఎం ఎస్.బి. అంజాద్ భాష విమర్శించారు.

కడప ప్రజలు కోరుకునేది ఫ్లెక్సీలు, ప్రచార ఆర్భాటాలు కాదని, నగర అభివృద్ధి, మౌలిక సదుపాయాల మెరుగుదల, తమ సమస్యలకు పరిష్కారమని ఆయన పేర్కొన్నారు. ప్రజలకు ఇచ్చిన హామీలను నెరవేర్చడంపై పాలకులు దృష్టి పెట్టాలని ఆయన అన్నారు.

ఎన్నికల సమయంలో కడప నగరంలో సొంత నిధులతో సీసీ కెమెరాలు ఏర్పాటు చేస్తామని హామీ ఇచ్చిన కడప ఎమ్మెల్యే, ఇప్పటివరకు ఆ హామీని ఎందుకు అమలు చేయలేదని అంజాద్ భాష ప్రశ్నించారు. ప్రజల నుండి విరాళాలు తీసుకున్న ఎమ్మెల్యే ఏమి చేశారని ఆయన అన్నారు.

రానున్న స్థానిక సంస్థల ఎన్నికల నేపథ్యంలో కే. బాబు గారిని అత్యధిక మెజారిటీతో గెలిపించేలా పార్టీ నాయకులు, కార్యకర్తలు ప్రజల్లోకి వెళ్లి పనిచేయాలని అంజాద్ భాష పిలుపునిచ్చారు. ప్రజలతో నిరంతరం సంబంధాలు కొనసాగిస్తూ, వారి సమస్యల పరిష్కారానికి కృషి చేయాలని ఆయన సూచించారు.

ప్రజల నమ్మకాన్ని నిలబెట్టుకోవడం ప్రతి నాయకుడి బాధ్యత అని, పదవులు ఉన్నా లేకపోయినా ప్రజలకు అందుబాటులో ఉండి సేవ చేయడమే ముఖ్యమని ఆయన అన్నారు. కార్యకర్తలే పార్టీకి బలమని, వారికి తగిన గుర్తింపు, ప్రాధాన్యత కల్పిస్తూ పార్టీని క్షేత్రస్థాయిలో బలోపేతం చేయాలని ఆయన పేర్కొన్నారు.

కడప నగర అభివృద్ధి, ప్రజా సమస్యల పరిష్కారం, సంక్షేమ పథకాల అమలు వంటి అంశాలపై ప్రజలతో చర్చిస్తూ ముందుకు సాగాలని ఆయన తెలిపారు. ప్రకాష్ నగర్ ప్రజలు ఎదుర్కొంటున్న సమస్యలను సంబంధిత నాయకుల దృష్టికి తీసుకెళ్లి, వాటి పరిష్కారానికి సమష్టిగా కృషి చేయాలని ఆయన పిలుపునిచ్చారు.

ఈ కార్యక్రమంలో మాజీ కార్పొరేటర్ కే.బాబు, జిల్లా కార్యదర్శి టక్కోలి రమేష్ రెడ్డి, నాయకులు ఎలీషా, విజయ్ గౌడ్ జీవన్, డేవిడ్, మల్లికార్జున రెడ్డి, మహిళా నాయకురాలు దీపా, స్థానిక డివిజన్ కార్యకర్తలు పాల్గొన్నారు.