ప్రజా సమస్యల పరిష్కారమే లక్ష్యం: మంత్రి మండిపల్లి ప్రజా దర్బార్

రాయచోటి నియోజకవర్గంలో ప్రజా సమస్యల పరిష్కారమే లక్ష్యంగా రాష్ట్ర రవాణా, యువజన, క్రీడా శాఖ మంత్రి మండిపల్లి రాంప్రసాద్ రెడ్డి అన్నమయ్య జిల్లా మండలం బోరెడ్డిగారి పల్లెలోని తన స్వగృహంలో శనివారం ప్రజా దర్బార్ నిర్వహించారు. ప్రజల నుంచి నేరుగా వినతులు స్వీకరించారు.

నియోజకవర్గంలోని వివిధ ప్రాంతాల నుంచి వచ్చిన ప్రజలను మంత్రి నేరుగా కలిసి వారి సమస్యలు, వినతులను స్వీకరించారు. భూ సమస్యలు, పింఛన్లు, రోడ్లు, తాగునీరు, విద్యుత్ వంటి అనేక అంశాలపై ప్రజలు మంత్రికి వినతులు అందజేశారు.

ప్రతి వినతిని స్వయంగా పరిశీలించిన మంత్రి, సంబంధిత అధికారుల దృష్టికి తీసుకెళ్లి తక్షణ పరిష్కారానికి చర్యలు తీసుకోవాలని ఆదేశించారు.

ప్రజలకు నిరంతరం అందుబాటులో ఉంటూ వారి సమస్యల పరిష్కారానికి ప్రాధాన్యత ఇవ్వడమే తన లక్ష్యమని మంత్రి తెలిపారు. ప్రతి శనివారం ప్రజా దర్బార్ నిర్వహించి ప్రజల గోడు వింటానని హామీ ఇచ్చారు.

మంత్రి నిర్వహించిన ప్రజా దర్బార్కు నియోజకవర్గం నలుమూలల నుంచి పెద్ద సంఖ్యలో ప్రజలు తరలివచ్చారు. మంత్రిని నేరుగా కలిసే అవకాశం లభించడంపై ప్రజలు హర్షం వ్యక్తం చేశారు. ఈ కార్యక్రమంలో టీడీపీ నాయకులు, కార్యకర్తలు, అధికారులు పాల్గొన్నారు.