తెలుగు ప్రజలకు వైఎస్ జగన్ దీపావళి శుభాకాంక్షలు

వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్రెడ్డి తెలుగు ప్రజలందరికీ దీపావళి పండుగ శుభాకాంక్షలు తెలిపారు. చీకటిపై వెలుగు, చెడుపై మంచి విజయానికి ప్రతీకగా ఈ పండుగను జరుపుకుంటామని ఆయన పేర్కొన్నారు.

తాడేపల్లి: వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్రెడ్డి తెలుగు ప్రజలందరికీ దీపావళి పండుగ శుభాకాంక్షలు తెలిపారు.

దీపావళి అంటేనే వెలుగుల పండుగ అని, చీకటిపై వెలుగు, చెడుపై మంచి, అజ్ఞానంపై జ్ఞానం, దుష్టశక్తులపై దైవశక్తి సాధించిన విజయానికి ప్రతీకగా ఈ పండుగను జరుపుకుంటామని వైఎస్ జగన్ పేర్కొన్నారు.

ఈ దీపావళి సందర్భంగా తెలుగు ప్రజలందరికీ సకల శుభాలు కలగాలని, సంపదలు, సౌభాగ్యాలు, విజయాలు చేకూరాలని ఆయన ఆకాంక్షించారు. ప్రతి ఒక్కరి జీవితాలు ఆనంద కాంతులతో వెలుగొందాలని, ప్రతి ఇంటా సుఖసంతోషాలు వెల్లివిరియాలని కోరుకున్నారు.

వైఎస్ జగన్ తన ట్విట్టర్ ఖాతా ద్వారా ప్రపంచవ్యాప్తంగా ఉన్న తెలుగువారందరికీ దీపావళి పండుగ శుభాకాంక్షలు తెలియజేశారు. చీకటి నుంచి వెలుగువైపు, అజ్ఞానం నుంచి జ్ఞానం వైపు నడిపించే ఈ పండుగ ప్రతి ఒక్కరి జీవితంలో కొత్త వెలుగులు నింపాలని మనస్ఫూర్తిగా ఆకాంక్షించారు.