ఐస్ స్కేటింగ్లో తెలంగాణ అమ్మాయి నయనశ్రీ అరుదైన ఘనత.. జూనియర్ వరల్డ్ ఛాంపియన్షిప్కు ఎంపిక

బోనకల్

ఖమ్మం: అంతర్జాతీయ ఐస్ స్కేటింగ్లో తెలంగాణకు చెందిన యువ క్రీడాకారిణి తళ్లూరి నయనశ్రీ అరుదైన ఘనత సాధించింది. ప్రతిష్ఠాత్మక ఇంటర్నేషనల్ స్కేటింగ్ యూనియన్ () జూనియర్ వరల్డ్ ఛాంపియన్షిప్కు ఎంపికైన తొలి భారత మహిళా షార్ట్ ట్రాక్ స్పీడ్ స్కేటర్గా చరిత్ర సృష్టించింది.

ప్రస్తుతం ఇటలీలోని బోర్మియోలో జరుగుతున్న జూనియర్ ప్రపంచ కప్లో నయనశ్రీ అద్భుతంగా రాణించింది. మహిళల 500 మీటర్ల షార్ట్ ట్రాక్ స్పీడ్ స్కేటింగ్ ఈవెంట్ను కేవలం 47.144 సెకన్లలో పూర్తి చేసి ప్రపంచ ఛాంపియన్షిప్కు అర్హత సాధించింది. ఈ ప్రదర్శనతో తన వ్యక్తిగత అత్యుత్తమ సమయాన్ని నమోదు చేయడంతో పాటు, భారత క్రీడా చరిత్రలో అరుదైన రికార్డును సొంతం చేసుకుంది.

ఖమ్మం జిల్లా నుంచి అంతర్జాతీయ స్థాయికి

నయనశ్రీ స్వస్థలం ఖమ్మం జిల్లా మండలంలోని మోటమర్తి గ్రామం. ప్రస్తుతం ఆమె కెనడాలోని కాల్గరీలో ఉంటూ ఐస్ స్కేటింగ్లో శిక్షణ పొందుతోంది. అక్కడే అండర్ గ్రాడ్యుయేట్ రెండో సంవత్సరం చదువుతోంది.

వచ్చే ఏడాది కజకిస్థాన్లో పోటీలు

వచ్చే ఏడాది కజకిస్థాన్లో జరగనున్న జూనియర్ వరల్డ్ ఛాంపియన్షిప్లో నయనశ్రీ భారత్ తరఫున బరిలోకి దిగనుంది. తెలంగాణలోని ఓ చిన్న గ్రామం నుంచి అంతర్జాతీయ స్థాయికి ఎదిగి దేశానికి గుర్తింపు తీసుకొచ్చిన నయనశ్రీ విజయంపై క్రీడాభిమానులు హర్షం వ్యక్తం చేస్తున్నారు.