కడప నగరంలో కల్వర్ట్ నిర్మాణానికి శంకుస్థాపన: 65 లక్షల వ్యయంతో పనులు ప్రారంభం

కడప నగర పాలక సంస్థ పరిధిలోని 40వ డివిజన్ మరియాపురం, బిల్డప్ సర్కిల్ వద్ద సిమ్లా ఫంక్షన్ హాల్ సందులో నూతన కల్వర్ట్ నిర్మాణ పనులకు శంకుస్థాపన, భూమి పూజ కార్యక్రమం జరిగింది. 15వ ఆర్థిక సంఘం నిధుల కింద 65 లక్షల వ్యయంతో ఈ పనులు చేపట్టనున్నారు.

కడప నగర సమగ్ర అభివృద్ధే ధ్యేయంగా కూటమి ప్రభుత్వం ముందడుగు వేసింది. ఈ నేపథ్యంలో, మరియాపురం డివిజన్లో చేపడుతున్న ఈ కల్వర్ట్ నిర్మాణ పనులకు ఘనంగా భూమి పూజ నిర్వహించారు.

అధికారులకు సూచనలు

ప్రభుత్వ విప్, కడప శాసనసభ్యురాలు శ్రీమతి రెడ్డెప్పగారి మాధవి రెడ్డి, టీడీపీ జోనల్ కో-ఆర్డినేటర్ రెడ్డెప్పగారి శ్రీనివాసరెడ్డి ముఖ్య అతిథులుగా హాజరై పనులను ప్రారంభించారు. స్థానిక ప్రజల రాకపోకలకు ఎలాంటి ఇబ్బందులు కలగకుండా, డ్రైనేజీ సమస్యలకు శాశ్వత పరిష్కారం చూపేలా నాణ్యతా ప్రమాణాలతో పనులను నిర్ణీత గడువులోగా పూర్తి చేయాలని అధికారులకు సూచించారు.

ఈ కార్యక్రమంలో స్థానిక కూటమి నాయకులు, కార్యకర్తలు, నగర పాలక సంస్థ అధికారులు, వార్డు ప్రజలు పాల్గొన్నారు.