స్మార్ట్ఫోన్ వినియోగదారుల కోసం ఓప్పో సంస్థ కొత్త ఆపరేటింగ్ సిస్టమ్ కలర్ ఓఎస్ 17ను ప్రకటించింది. ఆండ్రాయిడ్ 17 ఆధారంగా రూపొందించిన ఈ కొత్త సాఫ్ట్వేర్లో మెరుగైన యానిమేషన్లు, కృత్రిమ మేధ ఆధారిత సదుపాయాలు, ఫోటో ఎడిటింగ్ సాధనాలు, భద్రతా ఫీచర్లను అందిస్తోంది. న భారత్లో విడుదల కానున్న ఓప్పో ఫైండ్ ఎక్స్10 సిరీస్ ఫోన్లలో ఇది తొలిసారిగా అందుబాటులోకి రానుంది.
ఇప్పటికే ఉన్న ఇతర ఓప్పో ఫోన్లకు కూడా దశలవారీగా ఈ నవీకరణను అందించనున్నారు. కలర్ ఓఎస్ 17లో లివింగ్ ఫ్లో డిజైన్ పేరుతో కొత్త రూపకల్పనను తీసుకొచ్చారు. తెరపై కనిపించే అంశాల కదలికలు సహజంగా ఉండేలా, ఒక తెర నుంచి మరో తెరకు మారే సమయంలో వేగంగా స్పందించేలా మార్పులు చేశారు. బటన్లను నొక్కినప్పుడు స్పందన మరింత సహజంగా అనిపించేలా తీర్చిదిద్దారు. పారదర్శకతతో కూడిన దృశ్య ప్రభావాలు, మెరుగైన యానిమేషన్లు కూడా ఇందులో ఉన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కృత్రిమ మేధతో కొత్త సదుపాయాలు
ఈ కొత్త వ్యవస్థలో ఏఐ మైండ్ పైలట్ ద్వారా ఫైళ్లను గుర్తించడం, వాటిని క్రమబద్ధీకరించడం, పేర్లు మార్చడం వంటి పనులు చేయవచ్చు. అవసరమైన సమాచారాన్ని ఉపయోగించి ప్రయాణ ప్రణాళికల వంటి వివరాలను రూపొందించడంలోనూ ఈ ఫీచర్ ఉపయోగపడుతుంది. ఏఐ ఫోటో ఏజెంట్ సహాయంతో సాధారణ భాషలో సూచనలు ఇచ్చి ఫోటోలను సవరించవచ్చు. ఏఐ మైండ్ స్పేస్ ద్వారా వీడియోలు, పత్రాలు, ఇతర సమాచారాన్ని భద్రపరచి తర్వాత సులభంగా వెతుక్కోవచ్చు. ఏఐ మైండ్ సజెస్ట్ వినియోగదారులకు సందర్భానుసారమైన సూచనలు అందిస్తుంది.
ఓసీ అనే మరో ఫీచర్ కెమెరా ముందు కనిపించే వస్తువులు, దృశ్యాలను గుర్తించి వాటికి సంబంధించిన సమాచారాన్ని అందించడంలో సహాయపడుతుంది. వస్తువుల గుర్తింపు, అనువాదం, పత్రాలను స్పష్టంగా స్కాన్ చేయడం వంటి పనులకు ఇది ఉపయోగపడుతుంది. వినియోగదారుల భద్రత కోసం ఏఐ కాల్ గార్డ్ను అందిస్తున్నారు. ఫోన్ కాల్స్ సమయంలో కృత్రిమంగా సృష్టించిన గొంతులు లేదా ఇతర అనుమానాస్పద సంకేతాల ద్వారా జరిగే మోసాలను గుర్తించి హెచ్చరించడమే దీని ఉద్దేశం.