ప్రపంచ టెక్ దిగ్గజం మైక్రోసాఫ్ట్ కీలక నిర్ణయం తీసుకుంది. ఆర్టిఫిషియల్ ఇంటెలిజెన్స్ (ఏఐ) రంగంలో పెట్టుబడులు పెంచుతున్న నేపథ్యంలో, ప్రపంచవ్యాప్తంగా సుమారు 60 వేల మంది ఉద్యోగులకు స్వచ్ఛందంగా ఉద్యోగం నుంచి వైదొలిగేందుకు అవకాశం కల్పిస్తోంది. ఈ పథకం అమెరికా, భారత్, బ్రిటన్, కెనడాలోని అర్హులైన ఉద్యోగులకు వర్తించనుంది.
కంపెనీ వ్యయాలను నియంత్రించడంతో పాటు, మారుతున్న వ్యాపార అవసరాలకు అనుగుణంగా ఉద్యోగుల నిర్మాణాన్ని సర్దుబాటు చేసుకోవడం ఈ కార్యక్రమం లక్ష్యంగా కనిపిస్తోంది. మైక్రోసాఫ్ట్ వద్ద 2023 చివరి నాటికి ప్రపంచవ్యాప్తంగా సుమారు 2,23,000 మంది పూర్తికాల ఉద్యోగులు ఉన్నారు. వీరిలో దాదాపు 60,000 మంది, అంటే సంస్థ మొత్తం ఉద్యోగుల్లో సుమారు 27 శాతం మంది, ఈ పథకానికి అర్హులయ్యే అవకాశం ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అయితే, ఈ సంఖ్యను ఉద్యోగాలు వదిలి వెళ్లే వారి సంఖ్యగా భావించకూడదు. ఇది పథకం కింద ఆఫర్ పొందేందుకు అర్హులైన ఉద్యోగుల సంఖ్య మాత్రమే. ఎంతమంది ఈ అవకాశాన్ని స్వీకరిస్తారనే దానిపై సంస్థ ఎలాంటి లక్ష్యాన్ని ప్రకటించలేదు.
