విశ్వాస్ సెక్యూరిటీ ఫోర్స్ వ్యవస్థాపక దినోత్సవం: 170 మందికి ఉపాధి కల్పిస్తున్న సంస్థ

సింగరేణి కార్మికుల సంపూర్ణ అక్షరాస్యత కోసం చదువుకుందాం రండి కార్యక్రమంతో పాటు, సమీప గ్రామాల్లో ఉచిత వైద్య శిబిరాలు, పలు సేవా కార్యక్రమాల్లో యువత చురుకుగా పాల్గొంది. అనంతరం ఈ సంస్థ విశ్వాస్ సెక్యూరిటీ ఫోర్స్గా రూపాంతరం చెందింది.

కేవలం 15 మందితో ప్రారంభమైన ఈ సంస్థ, నేడు సింగరేణి భూ నిర్వాసితులు, కార్మికుల పిల్లలు, స్థానిక యువతకు ఉపాధి కల్పిస్తూ దాదాపు 170 మంది సెక్యూరిటీ గార్డులతో కొనసాగుతుండటం గర్వకారణమని సభ్యులు సంతోషం వ్యక్తం చేశారు. సంస్థ ప్రారంభ దశలో సహకరించిన సెక్యూరిటీ ఆఫీసర్ బానయ్య, కార్మిక సంఘాల నాయకులు, అప్పటి కమిటీ సభ్యులు, సీనియర్లకు కృతజ్ఞతలు తెలిపారు.

ఎంతోకాలంగా ఎదురుచూస్తున్న ఖాకీ యూనిఫాంలో ఈ ఏడాది వ్యవస్థాపక దినోత్సవ వేడుకలు జరుపుకోవడం మరింత ఆనందంగా ఉందని సభ్యులు పేర్కొన్నారు.

సింగరేణి ఆస్తుల పరిరక్షణలో అప్రమత్తత ఆవశ్యకం

ఈ వేడుకల్లో పాల్గొన్న అధికారులు మాట్లాడుతూ, సింగరేణి సంస్థ ఆస్తుల పరిరక్షణలో పర్మినెంట్ సెక్యూరిటీ గార్డులతో పాటు ప్రైవేట్ సెక్యూరిటీ గార్డుల సేవలు కూడా ప్రశంసనీయమని కొనియాడారు. ప్రతి గార్డు విధుల పట్ల బాధ్యతగా వ్యవహరిస్తూ, సంస్థ ఆస్తుల రక్షణలో నిరంతరం అప్రమత్తంగా ఉండాలని సూచించారు.

విశ్రాంత డైరెక్టర్ (ఆపరేషన్స్) జె.వి. దత్తాత్రేయులు, వి.ఎస్.ఆర్. మూర్తి ఫోన్ ద్వారా సభ్యులకు వ్యవస్థాపక దినోత్సవ శుభాకాంక్షలు తెలియజేశారు.

ఈ కార్యక్రమంలో ముఖ్య అతిథిగా ఏరియా సెక్యూరిటీ ఆఫీసర్ కట్ల శ్రీనివాస్, జూనియర్ ఇన్స్పెక్టర్ విజేందర్, జమేదార్ రాజశేఖర్, సూపర్వైజర్లు డి. సుధాకర్, రామ్ అవతార్, షేక్ రబ్బాని, పర్మినెంట్ సెక్యూరిటీ గార్డులు, సీనియర్ ప్రైవేట్ సెక్యూరిటీ గార్డులు, ఇతర సిబ్బంది పాల్గొన్నారు.