ఆంధ్రప్రదేశ్లో మహిళల భద్రతా పరిస్థితులపై తీవ్ర ఆందోళన వ్యక్తమవుతోంది. గత రెండేళ్లలో సుమారు 22,000 మంది మహిళలు కనిపించకుండా పోయారనే గణాంకాలను ప్రస్తావిస్తూ, న్యాయవాది మరియు సామాజిక కార్యకర్త జడ శ్రవణ్ కుమార్ రాష్ట్ర ప్రభుత్వాన్ని, పోలీసు యంత్రాంగాన్ని తీవ్రంగా విమర్శించారు.
న్యాయవాది జడ శ్రవణ్ కుమార్ వెల్లడించిన వివరాల ప్రకారం, రాష్ట్రంలో ప్రతి నెలా సగటున 1,000 మంది మహిళలు అదృశ్యమవుతున్నారు. రోజుకు సుమారు 30 మందికి పైగా మహిళలు కనిపించకుండా పోవడం ఆందోళన కలిగించే విషయమని ఆయన అన్నారు. ఇంత భారీ సంఖ్యలో మహిళలు అదృశ్యం కావడం వెనుక మానవ అక్రమ రవాణా ముఠాల ప్రమేయం ఉండవచ్చని ఆయన అనుమానం వ్యక్తం చేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
రాజకీయాల్లో అనుభవం లేని, కేవలం సినిమా గ్లామర్తో ఎన్నికైన వారి చేతుల్లో రాష్ట్ర పాలన ఉండటం వల్లనే ఇటువంటి పరిస్థితులు తలెత్తుతున్నాయని శ్రవణ్ కుమార్ విమర్శించారు. "బాధ్యత లేని వ్యక్తుల చేతుల్లో అధికారం ఉంటే వ్యవస్థలు ఎలా నిర్వీర్యం అవుతాయో ఈ మిస్సింగ్ కేసులే నిదర్శనం" అని ఆయన ఘాటుగా వ్యాఖ్యానించారు.
