కార్తికేయ నగర్ లో శ్రీ సుబ్రహ్మణ్యేశ్వర స్వామి ఆలయ భూమి పూజ: రూ.38 లక్షల నిధుల మంజూరు

రూ.38 లక్షల నిధులతో ఆలయ నిర్మాణం

కార్తికేయ నగర్ లో ఆలయ నిర్మాణ ఆవశ్యకతపై గతంలో స్థానికులు ఇచ్చిన వినతికి స్పందించిన చమర్తి జగన్ మోహన్ రాజు, ఉన్నతాధికారులతో మాట్లాడి మొత్తం రూ.38 లక్షల నిధులను మంజూరు చేయించారు. నిధులు మంజూరు కావడంతో ఆలయం, ప్రహరీ గోడ నిర్మాణ పనులను నేడు అధికారికంగా ప్రారంభించారు.

ఈ సందర్భంగా చమర్తి జగన్ మోహన్ రాజు మాట్లాడుతూ, కాలనీలలో ఆధ్యాత్మిక వాతావరణం పెంపొందేలా ఆలయాల అభివృద్ధికి తమ వంతు సహకారం ఎల్లప్పుడూ ఉంటుందని, నాణ్యతా ప్రమాణాలతో పనులను త్వరితగతిన పూర్తి చేయిస్తామని తెలిపారు.

తమ చిరకాల వాంఛను నెరవేర్చినందుకు కార్తికేయ నగర్ వాసులు హర్షం వ్యక్తం చేస్తూ, చమర్తిని శాలువాతో ఘనంగా సన్మానించి కృతజ్ఞతలు తెలియజేశారు.

ఈ కార్యక్రమంలో మండల నాయకులు, కార్తికేయ నగర్ పెద్దలు, కాలనీవాసులు, మహిళలు, భక్తులు పెద్ద సంఖ్యలో పాల్గొన్నారు.