రాష్ట్ర పంచాయతీరాజ్ శాఖ చీఫ్ ఇంజనీర్ బాలు నాయక్ శ్రీ సౌమ్యనాథ స్వామిని దర్శించుకున్నారు

ఈ సందర్భంగా బాలు నాయక్ మాట్లాడుతూ, రాయలసీమలో ఎంతో విశిష్టమైన ఆధ్యాత్మిక క్షేత్రంగా ప్రసిద్ధి చెందిన శ్రీ సౌమ్యనాథ స్వామి వారిని దర్శించుకోవడం తనకు ఎంతో అదృష్టంగా భావిస్తున్నానని తెలిపారు. ఆలయ చరిత్ర, ఆధ్యాత్మిక విశిష్టత, స్వామివారి మహిమ గురించి తెలుసుకోవడం ఎంతో ఆనందాన్ని కలిగించిందని పేర్కొన్నారు. స్వామివారి ఆశీస్సులు ప్రజలందరిపై ఎల్లప్పుడూ ఉండాలని ఆకాంక్షించారు.

ఘన సన్మానం

రాజంపేట వ్యవసాయ మార్కెట్ కమిటీ అధ్యక్షులు ఎద్దుల సాగర్ ఆధ్వర్యంలో బాలు నాయక్ను ఘనంగా సన్మానించారు. శ్రీ సౌమ్యనాథ స్వామివారి చిత్రపటాన్ని అందజేసి, శాలువా కప్పి, పూలమాలలతో సత్కరించారు.

ఈ కార్యక్రమంలో జిల్లా పంచాయతీరాజ్ శాఖ కార్యనిర్వహణ ఇంజనీర్ శివప్రసాద్, ఉప కార్యనిర్వహణ ఇంజనీర్ రాజగోపాల్ రెడ్డి, రాజంపేట పంచాయతీరాజ్ శాఖ ఉప కార్యనిర్వహణ ఇంజనీర్ శ్రీనివాసులు, నందలూరు కన్యకా పరమేశ్వరి చెరువు నీటి సంఘం అధ్యక్షులు బుశెట్టి వెంకటసుబ్బయ్య, యువ నాయకుడు ఉప్పుసెట్టి సుధీర్, కృష్ణ, తిరుమల తిరుపతి దేవస్థానం సిబ్బంది తదితరులు పాల్గొన్నారు. శ్రీ సౌమ్యనాథ స్వామి వారి కృపాకటాక్షాలు సర్వజనులపై ఉండాలని భక్తులు ప్రార్థించారు.