జమ్మూ కశ్మీర్ రాజధాని శ్రీనగర్లో దసరా వేడుకలను ఘనంగా నిర్వహించారు. షేర్-ఎ-కశ్మీర్ క్రికెట్ స్టేడియంలో జరిగిన ఈ కార్యక్రమానికి కశ్మీరీ పండిట్లతో పాటు హిందువులు, ముస్లింలు, సిక్కులు, పర్యాటకులు పెద్ద సంఖ్యలో హాజరయ్యారు. రావణుడు, కుంభకర్ణుడు, మేఘనాథుడి భారీ దిష్టిబొమ్మలను దహనం చేయడంతో ప్రాంగణంలో సందడి నెలకొంది.
బాణసంచా కాల్చి, మిఠాయిలు పంచుకుంటూ ప్రజలు వేడుకల్లో పాల్గొన్నారు. కశ్మీరీ పండిట్ సంఘర్ష్ సమితి, పునీత్ బాలన్ గ్రూప్ సహకారంతో ఈ వేడుకలను నిర్వహించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
1990ల ప్రారంభంలో కశ్మీర్ లోయలో హింసాత్మక పరిస్థితులు, కశ్మీరీ హిందువుల వలసల నేపథ్యంలో ఈ సంప్రదాయానికి చాలా సంవత్సరాలు అంతరాయం ఏర్పడింది. అనంతరం ఈ వేడుకలను తిరిగి ప్రారంభించి కొనసాగిస్తున్నారు. ప్రస్తుతం లోయలోనే నివసిస్తున్న కశ్మీరీ పండిట్ కుటుంబాలకు తమ మత, సాంస్కృతిక సంప్రదాయాలను తరువాతి తరాలకు అందించేందుకు ఈ కార్యక్రమం ఒక వేదికగా నిలుస్తోంది.
