కామారెడ్డిలో మెగా జాబ్ మేళా: 23 కంపెనీల్లో 270 మందికి ఉద్యోగాలు

ఈ సందర్భంగా ఆయన మాట్లాడుతూ, 23 ప్రముఖ కంపెనీల భాగస్వామ్యంతో నిర్వహించిన జాబ్ మేళాకు జిల్లాతో పాటు పరిసర ప్రాంతాల నుంచి పెద్ద సంఖ్యలో నిరుద్యోగ యువత హాజరయ్యారని చెప్పారు. పదో తరగతి, ఇంటర్మీడియట్, డిగ్రీ, పీజీ, బీటెక్, ఎంటెక్, ఐటీఐ, డిప్లొమా, బీ ఫార్మసీ, ఎం ఫార్మసీ పూర్తి చేసిన అభ్యర్థులకు ఇంటర్వ్యూలు నిర్వహించగా, 270 మంది యువతకు ఉద్యోగ అవకాశాలు లభించినట్లు వెల్లడించారు.

నిరుద్యోగ యువతకు ఉపాధి అవకాశాలు కల్పించేందుకు సహకరించిన పైడి ఎల్లారెడ్డి సేవలను ఈ సందర్భంగా కొనియాడారు. ఉద్యోగాలు సాధించిన అభ్యర్థులను ఆయన అభినందించి, తమ కెరీర్‌లో మరింత ఉన్నత స్థాయికి ఎదగాలని ఆకాంక్షించినట్లు తెలిపారు.

ఈ కార్యక్రమంలో వివిధ కంపెనీల హెచ్‌ఆర్ ప్రతినిధులు, సాందీపని డిగ్రీ కళాశాల డైరెక్టర్ బాలాజీ రావు, ప్రిన్సిపాల్ సాయిబాబా, మనోజ్, హేమారెడ్డి, రాజు దాస్, రాజశేఖర్, రామకృష్ణ, సురేష్ తదితరులు పాల్గొన్నారు. పెద్ద సంఖ్యలో విద్యార్థులు, నిరుద్యోగ యువత జాబ్ మేళాలో పాల్గొని అవకాశాలను సద్వినియోగం చేసుకున్నారు.