డోన్ నగర వనం ప్రారంభం: రూ.2 కోట్లతో 115 ఎకరాల్లో పచ్చని కానుక

నగర వనంలో అత్యాధునిక వాకింగ్ ట్రాక్, ట్రెక్కింగ్ మార్గాలు, పిల్లల కోసం ప్రత్యేక ఆట స్థలాలు, విశ్రాంతి కోసం సీటింగ్ ఏర్పాట్లు, విస్తృతంగా మొక్కల పెంపకం వంటి సౌకర్యాలు కల్పించినట్లు తెలిపారు. ఉదయం, సాయంత్రం వేళల్లో కుటుంబ సభ్యులతో కలిసి ప్రకృతి ఒడిలో ఆహ్లాదంగా గడిపేందుకు ఈ వనం ఉత్తమ ప్రదేశంగా మారుతుందని అన్నారు.

ప్రజల సూచనలకు అనుగుణంగా నగర వనంలో మరిన్ని అభివృద్ధి పనులు చేపడతామని, త్వరలోనే మినీ డీర్ పార్క్, అదనపు వినోద, పర్యాటక ఆకర్షణలు ఏర్పాటు చేసి ఈ ప్రాంతాన్ని జిల్లాలోనే ప్రత్యేక గుర్తింపు పొందేలా అభివృద్ధి చేస్తామని ఎమ్మెల్యే వెల్లడించారు. ప్రతి ఇంటికి ఆరోగ్యం, ప్రతి ప్రాంతానికి పచ్చదనం అనే లక్ష్యంతో ప్రభుత్వం పనిచేస్తోందని, డోన్ నియోజకవర్గంలో అభివృద్ధి పనులు నిరంతరాయంగా కొనసాగుతున్నాయని ఆయన పేర్కొన్నారు. ప్రజలకు ఉపయోగపడే మౌలిక వసతుల కల్పనలో ఎలాంటి రాజీ ఉండదని స్పష్టం చేశారు.

ఈ కార్యక్రమంలో ప్రజాప్రతినిధులు, అటవీ శాఖ అధికారులు, వివిధ శాఖల అధికారులు, కూటమి నాయకులు, కార్యకర్తలు, మహిళలు తదిరులు పాల్గొని నగర వనం ప్రారంభోత్సవాన్ని విజయవంతం చేశారు.