కామారెడ్డి రెస్టారెంట్లలో కృత్రిమ రంగులు, అపరిశుభ్రతపై దాడులు: ఆహార భద్రత అధికారి హెచ్చరిక

ఎస్ఎస్ఎస్ టిఫిన్ సెంటర్కు మెరుగుదల నోటీసు

అదేవిధంగా కామారెడ్డి పట్టణంలోని ఎస్ఎస్ఎస్ టిఫిన్ సెంటర్ను కూడా తనిఖీ చేశారు. అక్కడ వంటశాల అపరిశుభ్రంగా ఉండటం, వ్యర్థాల నిర్వహణ సక్రమంగా లేకపోవడం వంటి పరిశుభ్రతా లోపాలను గుర్తించారు. సంబంధిత సంస్థకు మెరుగుదల నోటీసు జారీ చేసి, అనుమానిత ఆహార నమూనాలను సేకరించి ప్రయోగశాలకు పంపించారు. ప్రయోగశాల నివేదిక ఆధారంగా తదుపరి చర్యలు తీసుకుంటామని తెలిపారు.

ఆహార భద్రత అధికారి విక్రమ్ హెచ్చరిక

ఈ సందర్భంగా ఆహార భద్రత అధికారి విక్రమ్ మాట్లాడుతూ, హోటళ్లు, రెస్టారెంట్ల నిర్వాహకులు ఆహార భద్రతా ప్రమాణాలను తప్పనిసరిగా పాటించాలని సూచించారు. వంటశాలలను పరిశుభ్రంగా ఉంచడంతో పాటు ఆహార తయారీలో నాణ్యమైన ముడి పదార్థాలను మాత్రమే వినియోగించాలని, సిబ్బంది వ్యక్తిగత పరిశుభ్రత పాటించాలని తెలిపారు. ఆహార పదార్థాల్లో నిబంధనలకు విరుద్ధంగా కృత్రిమ రంగులు కలపడం నిషేధమని, నిబంధనలు ఉల్లంఘించే వారిపై చట్ట ప్రకారం చర్యలు తీసుకుంటామని హెచ్చరించారు.

ప్రజలు హోటళ్లు, రెస్టారెంట్లలో ఆహార పదార్థాలను కొనుగోలు చేసేటప్పుడు అప్రమత్తంగా ఉండాలని, అధికంగా కృత్రిమ రంగులు కలిపిన ఆకర్షణీయమైన ఆహార పదార్థాలను తీసుకోవద్దని సూచించారు. ఆహార నాణ్యత, పరిశుభ్రత విషయంలో అనుమానాలు ఉన్నట్లయితే సంబంధిత అధికారుల దృష్టికి తీసుకురావాలని కోరారు.