జిల్లా కలెక్టరేట్లో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ ఆశిష్ సంగ్వాన్ ప్రజల నుంచి 71 ఫిర్యాదులు, వినతులను స్వీకరించారు. ఈ అర్జీలను సంబంధిత శాఖల అధికారులకు అందజేసి, నిబంధనల ప్రకారం పరిష్కరించాలని ఆయన ఆదేశించారు.
జిల్లా కలెక్టరేట్లోని సమీకృత జిల్లా కార్యాలయాల సముదాయంలో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ ఆశిష్ సంగ్వాన్ ప్రజల నుంచి 71 ఫిర్యాదులు, వినతులను స్వీకరించారు. ఈ సందర్భంగా ప్రజలు సమర్పించిన అర్జీలను సంబంధిత శాఖల వారీగా అధికారులకు అందజేసిన కలెక్టర్, ప్రతి ఫిర్యాదును క్షుణ్ణంగా పరిశీలించి నిబంధనల ప్రకారం పరిష్కరించాలని ఆదేశించారు. అనంతరం జిల్లా అధికారులతో మాట్లాడుతూ ప్రజావాణిలో అందిన ఫిర్యాదుల పరిష్కారంలో ఎలాంటి జాప్యం చేయరాదని స్పష్టం చేశారు. ప్రతి అర్జీపై ప్రత్యేక దృష్టి సారించి, ఫిర్యాదుదారులకు న్యాయం జరిగేలా చర్యలు తీసుకోవాలని సూచించారు. పెండింగ్లో ఉన్న దరఖాస్తులను వెంటనే పరిష్కరించడంతో పాటు, పరిష్కరించిన ఫిర్యాదుల వివరాలను సంబంధిత పోర్టల్లో తప్పనిసరిగా నమోదు చేయాలని ఆదేశించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రజలు తమ సమస్యల పరిష్కారం కోసం ప్రజావాణి కార్యక్రమాన్ని సద్వినియోగం చేసుకోవాలని కలెక్టర్ సూచించారు. ఈ కార్యక్రమంలో అడిషనల్ కలెక్టర్ విక్టర్, డీఆర్ఓ పాండు, సీఈఓ చందర్తో పాటు వివిధ శాఖల జిల్లా అధికారులు పాల్గొన్నారు.
