ఆస్ట్రేలియాలో స్వతంత్ర పార్లమెంట్ సభ్యురాలు హెలెన్ హైన్స్పై కారుతో దాడి జరిగింది. విక్టోరియా రాష్ట్రంలోని వాంగరట్టాలో ఆమె కార్యాలయం వెలుపల జరిగిన ఈ ఘటనలో ఆమె రెండు కాళ్లను కోల్పోయారు. తీవ్రంగా గాయపడిన ఆమె ప్రస్తుతం మెల్బోర్న్లోని ఆసుపత్రిలో చికిత్స పొందుతున్నారు.
విక్టోరియా రాష్ట్రంలోని వాంగరట్టాలో ఆమె కార్యాలయం వెలుపల ఈ ఘటన చోటుచేసుకుంది. కారుతో ఆమెను రెండుసార్లు ఢీకొట్టినట్లు అధికారులు వెల్లడించారు. తీవ్రంగా గాయపడిన ఆమెకు వైద్యులు శస్త్రచికిత్స నిర్వహించగా, రెండు కాళ్లను తొలగించాల్సి వచ్చిందని అంతర్జాతీయ వార్తా సంస్థ రాయిటర్స్ తెలిపింది. ఆమె పరిస్థితి విషమంగానే ఉన్నప్పటికీ స్థిరంగా ఉందని కుటుంబ సభ్యులు పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కార్యాలయం వద్ద దాడి
వాంగరట్టాలోని తన నియోజకవర్గ కార్యాలయం వద్ద హెలెన్ హైన్స్ తన కారులోని వస్తువులను తీస్తుండగా ఈ ఘటన జరిగినట్లు సమాచారం. నిందితుడు తొలుత కారుతో ఆమెను ఢీకొట్టి, అనంతరం వెనక్కి వెళ్లి మరోసారి ఢీకొట్టినట్లు ప్రత్యక్ష సాక్షుల వివరాలను ఉటంకిస్తూ వార్తా కథనాలు వెల్లడించాయి. ఈ ఘటనలో ఆమె కారు, మరో వాహనం మధ్య చిక్కుకుని తీవ్ర గాయాలపాలయ్యారు. అక్కడున్న కొందరు వ్యక్తులు వెంటనే స్పందించి నిందితుడిని అదుపులోకి తీసుకున్నారు. అనంతరం పోలీసులు అతడిని అరెస్టు చేశారు.
