భారత్, పాకిస్థాన్ల మధ్య 2025లో జరిగిన సైనిక ఘర్షణను నిలువరించేందుకు తాను రెండు దేశాలపై 250 శాతం వాణిజ్య సుంకాలు విధిస్తానని హెచ్చరించినట్లు అమెరికా అధ్యక్షుడు డొనాల్డ్ ట్రంప్ మరోసారి పేర్కొన్నారు. ఈ హెచ్చరికతో రెండు దేశాలు కాల్పులు ఆపేశాయని ఆయన వెల్లడించారు. శుక్రవారం ఫ్లోరిడాలో జరిగిన ప్రచార సభలో ఆయన ఈ వ్యాఖ్యలు చేశారు.
భారత్, పాకిస్థాన్లు అణ్వాయుధాలు కలిగిన దేశాలని, వాటి మధ్య ఘర్షణ మరింత తీవ్రమైతే అమెరికాతో వాణిజ్యం చేయలేని పరిస్థితి వస్తుందని తాను హెచ్చరించినట్లు ట్రంప్ చెప్పారు. భారత్, పాకిస్థాన్ల మధ్య పోరు కొనసాగితే అమెరికా మార్కెట్లలో వ్యాపారం చేసుకునే అవకాశం ఉండదని రెండు దేశాల నాయకులకు చెప్పినట్లు ట్రంప్ వివరించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
250 శాతం సుంకాల హెచ్చరిక
250 శాతం వరకు భారీ సుంకాలు విధిస్తానని హెచ్చరించడంతో వారు ఆగ్రహం వ్యక్తం చేశారని, అనంతరం కాల్పులు నిలిచిపోయాయని అన్నారు. ఈ పరిణామాన్ని తన దౌత్య విజయాల్లో ఒకటిగా ఆయన పేర్కొన్నారు. గతంలోనూ భారత్పాక్ ఘర్షణను ఆపించడంలో తానే కీలక పాత్ర పోషించానని ట్రంప్ పలుమార్లు వ్యాఖ్యానించారు.
