విశ్వంలోని అత్యంత శక్తివంతమైన గామా కిరణాల పేలుళ్లను అధ్యయనం చేసిన నాసా స్విఫ్ట్ అంతరిక్ష టెలిస్కోప్ తన 22 ఏళ్ల సుదీర్ఘ సేవలను ముగించింది. బుధవారం ఈ ఉపగ్రహం భూమి వాతావరణంలోకి తిరిగి ప్రవేశించి పూర్తిగా కాలిపోయింది. ఇండోనేషియాలోని ఉత్తర సుమత్రా ప్రాంతం మీదుగా ఇది భూ వాతావరణంలోకి ప్రవేశించినట్లు నాసా ధృవీకరించింది.
సుమారు 1,452 కిలోల బరువున్న ఈ అంతరిక్ష పరిశోధన కేంద్రం అత్యంత వేగంతో భూమి వైపు దూసుకువచ్చింది. వాతావరణంలోకి ప్రవేశించినప్పుడు ఏర్పడిన తీవ్ర ఉష్ణోగ్రతల కారణంగా ఉపగ్రహంలోని అధిక భాగం కాలిపోయింది. కొన్ని చిన్న శకలాలు భూమిని చేరి ఉండే అవకాశం ఉన్నప్పటికీ, ఎలాంటి ప్రాణనష్టం లేదా ఆస్తి నష్టం జరగలేదని అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
2004లో ప్రయోగించిన ఈ టెలిస్కోప్ వాస్తవానికి రెండేళ్ల పాటు పనిచేసేలా రూపొందించారు. అయితే, అనుకున్న దానికంటే దాదాపు 11 రెట్లు ఎక్కువ కాలం, అంటే 22 ఏళ్లుగా విశ్వ రహస్యాలను ఛేదించడంలో కీలక పాత్ర పోషించింది.
