అమెరికాలోని ఫ్లోరిడా రాష్ట్రంలో తొమ్మిది మంది ప్రయాణికులతో వెళ్తున్న ప్రైవేటు జెట్ విమానం కుప్పకూలింది. గాల్లోనే విమానం అదుపుతప్పి, వేగంగా కిందికి దూసుకొచ్చి జనావాసాల సమీపంలో కూలిపోవడంతో భారీ అగ్నిగోళం ఏర్పడింది. ఈ దుర్ఘటనలో విమానంలో ఉన్న తొమ్మిది మంది దుర్మరణం పాలయ్యారు.
అయితే కొద్దిసేపటికే పరిస్థితి మరింత దిగజారింది. విమానం వేగంగా కిందికి దిగడం ప్రారంభించింది. నిమిషానికి 10 వేల అడుగుల వేగంతో కిందికి దిగుతున్నామని పైలట్ మొదట అత్యవసర సందేశం పంపారు. ఆ తర్వాత ఈ వేగం 20 వేల అడుగులకు చేరిందని తెలిపారు. చివరకు మేము నేలను ఢీకొట్టబోతున్నాం అంటూ ఆందోళన వ్యక్తం చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నియంత్రణ కోల్పోయిన విమానం
విమాన ప్రయాణ సమాచారాన్ని పరిశీలించినప్పుడు ఒక దశలో విమానం నిమిషానికి 30 వేల అడుగులకు పైగా వేగంతో కిందికి దూసుకొచ్చినట్లు గుర్తించారు. విమానం కుడివైపు తీవ్రంగా వాలుతూ నియంత్రణ కోల్పోయినట్లు సమాచారం. గాల్లోనే పరిస్థితిని అదుపులోకి తెచ్చేందుకు సిబ్బంది ప్రయత్నించినప్పటికీ ఫలితం లేకపోయింది.
