పశ్చిమ ఆసియాలో నెలకొన్న పరిస్థితుల నేపథ్యంలో, భారత్ మరియు పశ్చిమ ఆసియా ప్రాంతాల మధ్య విమాన ప్రయాణాలపై పౌర విమానయాన మంత్రిత్వ శాఖ నిశితంగా పరిశీలిస్తోంది. ప్రయాణీకుల భద్రత మరియు విమాన కార్యకలాపాల సజావుగా నిర్వహణను నిర్ధారించడానికి విమానయాన సంస్థలు అవసరమైన కార్యాచరణ సర్దుబాట్లను చేపడుతున్నాయి.
మంత్రిత్వ శాఖ ఒక ప్రకటనలో తెలిపిన వివరాల ప్రకారం, ప్రస్తుత స్థితిగతుల ప్రకారం, భారతీయ విమానయాన సంస్థలు ఈ రోజు 50 విమానాలను నడపాలని యోచిస్తున్నాయి. నిన్న, దుబాయ్, అబుదాబి, ఫుజైరా, మస్కట్ మరియు జెడ్డా వంటి ప్రాంతాలలోని విమానాశ్రయాల నుండి భారతీయ విమానయాన సంస్థలు 49 అంతర్జాతీయ విమానాలను నడిపాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
గత శనివారం, భారతీయ విమానయాన సంస్థలు నడిపిన మొత్తం 51 అంతర్జాతీయ విమానాలు భారతదేశానికి చేరుకున్నాయి. ఈ విమానాలలో 8 వేల 175 మంది ప్రయాణీకులు ఉన్నారు. విమానయాన సంస్థలు మరియు ఇతర భాగస్వాములతో నిరంతరం సమన్వయం చేసుకుంటున్నామని, టిక్కెట్ ధరలు సహేతుకంగా ఉండేలా విమాన ఛార్జీలను కూడా నిశితంగా పర్యవేక్షిస్తున్నామని మంత్రిత్వ శాఖ తెలిపింది.
