భారత సైన్యం, నౌకాదళం, వాయుసేనలకు ప్రస్తుతం వేర్వేరుగా ఉన్న సరఫరాలు, నిల్వల నిర్వహణ వ్యవస్థలను ఒకే సమగ్ర నెట్వర్క్లోకి తీసుకురావడానికి కేంద్ర ప్రభుత్వం చర్యలు చేపడుతోంది. దీనివల్ల ఆయుధాలు, విడిభాగాలు, మందుగుండు సామగ్రి వంటి వనరులను వేగంగా అందించడంతో పాటు ఖర్చులను తగ్గించవచ్చని రక్షణ శాఖ భావిస్తోంది.
ఈ ప్రణాళికలో భాగంగా త్రివిధ దళాల లాజిస్టిక్స్ నిర్వహణ అనువర్తనం (టీఎల్ఎంఏ) అభివృద్ధి చేస్తున్నారు. ప్రస్తుతం మూడు దళాలు వినియోగిస్తున్న సమాచార నిర్వహణ వ్యవస్థలను అనుసంధానించడం దీని ప్రధాన ఉద్దేశం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ వేదిక అందుబాటులోకి వస్తే, ఏ దళం వద్ద ఎంత సామగ్రి ఉంది, ఏ ప్రాంతంలో ఏ వస్తువులు అవసరమవుతున్నాయి, వాటిని ఎక్కడికి తరలించాలి వంటి వివరాలను ఒకే చోట తెలుసుకునే అవకాశం ఉంటుంది. అత్యవసర పరిస్థితుల్లో అవసరమైన సామగ్రి కోసం వేర్వేరు వ్యవస్థలను పరిశీలించాల్సిన అవసరం తగ్గుతుంది. దీనివల్ల సమన్వయం మెరుగుపడి, సరఫరాల్లో ఆలస్యం తగ్గే అవకాశం ఉంది.
